Di çarçoveya lêpirsîna Serdozgeriya Komarî ya Îzmîrê de polîsan li 11 bajaran bi ser malan de girtin.
Di encamê de 30 endamên Konfederasyona Sendîkayên Karmendên Gelemperiyê (KESK) li Îzmîrê û 11 bajaran serê sibehê di serdegirtina malan de hatin desteserkirin.
Li gorî nûçeya Ajansa Mezopotamyayê kesên hatin desteserkirin bi tohmeta ku ' rêxistin fînanse kirine' hatin sûcdarkirin.
Di nav kesên desteserkirî de kedkarên bi KHKê ji kar hatin dûrxistin jî hene û kesên hatine desteserkirin birine Fermandariya Cendirmeyan a Bajarê Îzmirê.
