2emîn Festîvala Fîlman a Zagrosê dest pê kir
Festîvala Fîlman a Zagrosê ku navê xwe li çiyayên Zagrosê girtiye, wê di tevahiya meha Sibatê de 20 fîlman bibelaşî pêşkêşî temaşevanan bike.
Festîvalê di 1ê Sibatê de dest pê kir. Di festîvalê de fîlmên ku bi zaravayên cuda yên kurdî hatine kişandin hene. Hemû fîlm dê bi jêrnivîsa Îngilîzî bên nîşandan.
Di festîvalê de bi mebesta ku di cîhana sînemayê de zêdetir derkevin pêş, qadekî taybet ji bo derhênerên jin hatiye vekirin.
We proudly announce that Zagros Film Festival 2025 has started, and 20 Kurdish films with English subtitles will be open to everyone throughout February. Please visit our website. https://t.co/yvfkk0YK5T#zagrosfilmfest_2025#ZagrosFilmFestival pic.twitter.com/E4B0Oyj04G
— Zagros Film Festival (@ZagrosFilmFest) February 1, 2025
Li gorî nûçeya ku li ser malpera festîvalê hatiye weşandin, berpirsê festîvalê Sîmon Silêmanî gotiye ku ev festîval weke yekemîn festîvala fîlmên kurdî ya online e û her weha derfeteke bêhempa ye ji bo pêşkêşkirina mîrata çandî ya dewlemend û cihêreng a Kurdistanê û hêza sînemayê ji bo temaşevanên cîhanî.
Her weha Silêmanî gotiye, "Festîval sînoran bêwate dike û hemû Kurdên cîhanê û her kesên ku bi çanda Kurdî re eleqedar dibin, digihîne hev."
Ji bo bernameya festîvalê û fîlman bitikîne.
(TY/AY)
