Ji bo nûçeya Tirkî bitikîne
250 hunermendên ku di nava wan de nivîskar, listîkvan, derhêner, wênekêş, helbestvan, stranbêj, dansvan, wênesaz û peykersaz heye, bi daxuyaniyeke hevbeş diyarkirin ku ew ê di referandûma guhertina destûra bingehîn a 16ê Nîsanê de bibêjin “Na”.
Hunermendan derbarê vê daxuyaniyê li Hotela Taksim Pointê civîneke çapeminiyê lidar xistin.
Bi Nazim Hikmet destpê kir
Lîstikvan Orhan Alkaya pêşkêşvaniya bernameyê kir û di destpêka axavtina xwe de çend rêzik ji helbesta Nazim Hikmet a bi navê “Ev vexwendin a me ye” xwend. Alkaya diyar kir ku metna daxuyaniyê di nava hevalan de belav bûye û ti eleqeya wê bi derdoreke siyasî ve nîne. Alkaya destnîşan kir ku wan li ser Twitterê hashtagek bi navê “Ev vexwendin a me ye” vekiriye û bang kir ku ji bo mezinkirina “Na”yê xwedî lê derkevin.
Kesên weke Vecdi Sayar, Gulriz Sururi, Edip Akbayram, Rutkay Aziz, Defne Halman, Mirza Metin, Adnan Ozyalçiner, Orhan Aydin, Tilbe Saran, Ragip Yavuz, Iraz Yontem, Nur Surer û Hakki Zariç beşdarî civîna çapemeniyê bûn.
(TP/HK/FD)
* Fotograf: Tansu Pişkin
