Di 1ê Gulanê Roja Ked û Hevgirtinê de, Stenbol hema bêje hatibû dorpêçkirin. Bi sedan kesên ku xwestin biçin Taksîmê bi midaxeleya polîsan hatin desteserkirin. Tê payîn ku îro hin ji wan kesên hatine desteserkirin sewqî Edliyeya Stenbolê werin kirin.
Li Kadikoyê meşa 1ê Gulanê dest pê kir: Bi hezaran karker bi daxwazên xwe li kolanan in
Maseya Krîzê ya 1ê Gulanê a Şaxa Stenbolê ya Komeleya Hiqûqnasên Hemdem (ÇHD), rapora xwe ya 1ê Gulanê weşand.
Li gorî raporê, di 1ê Gulanê de bi tevahî 419 kes hatine desteserkirin ku 10 ji wan di bin 18 salî de ne û 11 jî ji wan parêzer in.
Li gorî rapora Maseya Krîzê ya 1ê Gulanê ya ÇHDê, 36 kes hê desteserkirî ne, 383 kes jî serbest bûn.
1Ê GULANÊ
Polîsan mudaxeleyî kesên ku xwestin ji Şîşliyê ve ber bi Taksîmê bimeşin kir
Di rapora ÇHDê ya têkildarî desteserkirinan ev agahî hatin parvekirin:
"Di tevahiya rojê de 166 kes li Rêvebiriya Emniyetê a Gayrettepeyê desteserkirî bûn,
Di tevahiya rojê de 235 kes li Rêvebiriya Emniyetê a Stenbolê desteserkirî bûn,
Di tevahiya rojê de 9 kes li Rêvebiriya Emniyetê a Şîşliyê desteserkirî bûn,
10 ji wan temenê wan di bin 18 salî de ne,
11 ji wan hevpîşeyên me ne,
Di 1ê Gulanê de li ser rêya Taksîmê bi tevahî 419 kes hatin desteserkirin."
(AB/AY)
