Dil Hakları İzleme Belgeleme ve Raporla Ağı (DHİBRA) bileşeni 99 örgüt, kurum, platform 21 Şubat Dünya Anadili Günü dolayısıyla Türkiye'de var olan 19 anadil ile ilgili taleplerini duyurdu.
Rapordaki diğer 18 anadil okumak için tıklayın
19 anadilde yapılan açıklamanın Romeikacası şöyle:
Εμείς, οι άρθωποι που αγαπούμε τη γλώσσα τση μάνας ‘μουνα και θέλουμε να συντυχισκούνταν ούλα τα γλώσσας του κόσμου, έρθαμε σε ένανκεκά το 2021, την ημέρα που εγνώρισεν η UNESCO το 1999 ως ημέρα γλώσσας και θέλουμε να λέγουμε ατά το θέλουμε.
Όλα τα γλώσσας τση μάνας, είναι πολλά όμορφα και το να συντυχισκούνταν είναι καλό για την Τουρκία. Είναι καλό και για να επορούμε και ζήσουμε όμορφα και αγαπημένα όλοιν οι άρθωποι σ’ ένανκεκά. Το να εσκούνταν όλα τα ζορλούχια εμπρό ασό μάθεμα και ασό συντύχεμα, είναι καλό και για την δημοκρατία. Για τ’ ατό, όλοιν ν’ εφτιάνε ότι έρ’ται ασό χέριν ατούνα.
TIKLAYIN-DHİBRA'dan Türkiye'nin 19 Anadilinde 99 İmzalı 4 talep
Το ντεβλέτι πρέπει να βοηθάει εκείνους το δουλεύουν για να ζήσουν τα γλώσσας που χάντανε στέκουν και για όλα τα γλώσσας τση Τουρκίας.
Εμείς οι άρθωποι που τερούμε, αραεύουμε και γράφουμε για τα δικαιώματα των γλωσσών θέλουμε:
1) Πρέπει να εγβαίνουν νόμοι για να μαθησκούνταν όλα τα γλώσσας και να συντυχισκούνταν όπου να είναι.
2) Πρέπει να στηριχτούνε οι άρθωποι που δουλεύουν, που εφτιάνε κάτι για να μην χάντανε τα γλώσσας.
3) Σα ουνιβερσιτέδες, τα τμήματα που δίγουν μαθήματα για τσι γλώσσας, να γίνουν και άλλο πολλά και να στηριχτούν ασό ντεβλέτι μερέα.
4) Πρέπει να γίντανε δεκτοί οι νόμοι τ’ ουκ εγέντανε, ασοι νόμους που εγβάλταν ασα Ενωμένα Έθνη το 2 Σταυρίτη του 1990 και υπογράφτανε και ασην Τουρκία το 2 Οχτόμβρη του 1995 και έσανε για τη γλώσσα τση μάνας των παιδιών.
Το δικαίωμα τση γλώσσας, έν’ ένα αχώριστο κομμάτι ασό δικαίωμα των αρθωπίων! Ζήτω η ημέρα των γλωσσών όλου του κόσμου!
Romeika Çeviri: Vahit Tursun
(RT)
