Hunername: Festîvalên fîlman, Matrîx, Metallica, Buika, Imany

Îsal li New Yorkê wê 5em Festîvala Fîlman û Çandê ya Kurdî pêk were. Festîval par ji ber Covid-19ê bi awayekî online bûbû. Festîval wê îro (10ê Îlonê) destpê bike û heta 12ê Îlonê dewam bike. Mijara sereke ya festîvalê îsal “jin” e. Di festîvalê de wê 10 fîlm werin nîşandan, Ozan Aksoy û Lukman Ahmed wê du konseran bidin û du jî bernameyên helbestxwendinê li dar bikevin. Her weha di şeva vekirinê de wê panelek li ser muzîka kurdî bi rê ve biçe.

Gayle Tzemach Lemmon, nivîskara pirtûka “Keçên Kobanê” wê beşdarî bernameyê bibe û li ser pirtûka xwe biaxive. Dîsa Ava Homa, nivîskara pirtûka “Daughters of Smoke and Fire” (Keçên duxanê û agir) wê bibe mêvanê festîvalê. Her du nivîskar wê pirtûkên xwe îmze bikin.

Di bernameyê de her weha wê belgefilma Alba Sottora, derhênera katalanî were nîşandan.

Fîlmê “Ji bo Azadiyê” yê Ersîn Çelîkî û Evîn Di Rûyê Qirkirinê De" yê Komuna Fîlman a Rojavayê ku Şêro Hindê derhênerê wê ye wê di festîvalê de werin nîşandan. Festîval wê îsal li Villagr East by Angelikayê pêk were ku demekê festîvala fîlman a Tribeca-ê jî li vir li dar dike.

Di vê navberê de bernameya Festîvala Fîlman a Kurdî ya Hambûrgê jî amade dibe. Festîval wê îsal di navbera 28ê Îlonê û 3yê Çiriya Paşiyê de be.

Fragmana yekem ji Matrîxa 4an weşandine

Warner Bros, Şîrketa çêker a filmê Matrixê fragmana yekem ji beşa çaran a filmî weşandiye. Sînemahez demeke dirêj e li bendî bûn fragmanê ji “The Matrix: Resurrections” bi weşînin. Di filmî de Keanu Reeves, Carrie-Anne Moss, Yahya Abdul-Mateen II, Neil Patrick Harris, Jonathan Groff, Christina Ricci, Jessica Henwick û Priyanka Chopra Jonas dilîzin û film çav li rê ye ku roja 22ê Kanûna Pêşiyê ya 2021an were nîşandan.

Fîlmên kurdî wê li Festîvala Antalyayê bin 

Fîlmên ku wê di beşa Netewî ya Festîvala Fîlman a Antalyayê de bikevin pêşbirkê diyar bûne. Li gorî bernameyê çend fîlmên kurdî jî di navê de cih girtine.

Festîval wê di navbera 2 û 9ê Çiriya Paşîn de li Antalyayê pêk were.

Di beşên “Netewî” de wê 10 fîlm bikevin pêşbirkê ku di beşa “Pêşbirka Fîlmên Metrajdirêj a Netewî” de filmê derhêner Ferît Karahanî yê bi navê “Okul Traşı” (Traşkirina Dibistanê) heye.

Di beşa “Pêşbirka Fîlmên Metrajkurt ên a Netewî” de fîlmê derhêner Mazlûm Demîrî yê bi navê “Agna”, yê Muhammed Seyid Yildizî yê bi navê “Ajotin”, yê Mûsab Tekînî yê bi navê “Rewşen” wê bên nîşandan.

Albûma "The Metallica Blacklist" derketiye

53 stranbêjên navdar ji bo 30 saliya albûma The Black a Metallicayê albûmek amade kiriye. Stranbêjan stranên ku di vê albûma koma heavy metal a amerîkî de hene, ji nû ve şîrove kirine. Albûm îro bi navê “The Metallica Blacklist” weke CD û li ser hemû platformên dijîtal hatiye weşandin.

Imany

Imany hunermendeke muzîka soulê ya bi eslê xwe comorian û frensî ye. Navê wê Nadia Mladjao ye. Di stranên xwe de li gel soulê, ji caz û folkê jî sûdê werdigire. Di sala 2011an de albûma xwe ya yekem weşandibû. Navê albûma wê “Shape of a Broken Heart” e û bi vê albûmê li sê welatan xelata plaka platîk wergirtiye. Vê hefteyê albûmeke albûmeke nû weşandiye. Navê albûma wê "Voodoo Cello" ye. Di vê albûmê de Imany-yê şêweyeke cida bikar aniye ku stranên klasîk û bûne hît bi çelloyê straye. 13 stran di albûma wê de heye. Yek ji wan “If You Go Away” e ku Frank Sînatrayî straye.

Imany wê di 8ê Kanûna Pêşiyê de li Stenbolê, li Zorlu PSMyê konserekê bide.

Buika, stranbêj, bestekar û lîstîkvana îspanyolî jî wê 17ê Îlonê were Stenbolê û konserekê bide. Konsera Buikayê jî li Zorlu PSMyê ye.  

Don Kîxot wê bi kurdî xeber bide

Şanoya Bajêr a Amedê wê di 10, 11, 17, 18, 24 û 25ê Îlonê de lîstika xwe ya bi navê "Don Kîxot" bilîze. Şanoyê meha derbasbûyî galaya lîstikê pêk anîbû.

Listikvan Don Kîxot ji ber berhema Miguel de Cervantesî amade bûye. Ferhad Feqî derhênerê wê ye û Dilawer Zeraqî wergerandiye. Ozcan Ateş, Şahabettin Dag, Berfîn Emektar, Dicle Guneş Yavuz, Ozkan Şeker û Şîlan Alagoz di lîstikê de dilîzin.

Li Weqfa Beşikçiyî du bername hene

Li Weqfa Îsmaîl Beşikçiyî îro û sibê du bername hene.

Îro wê nivîskar Cemal Temel saet di 18.00ê de li terasa weqfê di bin navê “Malbatên Kurdan ûn ku Tehcîra Kurdan a sala 1916an ew koçberî Anatolyayê kirine û encamên wê: Xalicî, Arvasî, Yuksel”. Cemal Temel paşê wê pirtûkên xwe îmze bike.

Sibê ango 11ê Îlonê jî bi moderasyona Koroglu Karaaslan (Weşanxaneya Doz), zimanzan û nivîskar Reşo Zîlan & karsaz Narîn Nadîrova re wê li ser Kinyazê Îbrahîm û Nadîr Nadîrovî biaxivin. Îbrahîm û Nadîrov demek berê koça dawî kiribûn.

Bername wê saet di 20.00an de li ser hesabên medya civakî yên weqfê bi awayekî zindî bê weşandin. (FD)