Wezîrê Tenduristiyê: Hejmara miriyan gihîştiye 37an

Fotograf: Aytuğ Can Sencar – Ankara/AA

Ji bo nûçeya tirkî / ingilîzî bitikîne

Fahrettîn Koca, Wezîrê Tenduristiyê aşkere kiriye ku 7 kesên din li Tirkiyeyê ji ber koronavirus ango Covid-19ê mirine. Li gorî vê encamê hejmara miriyan gihîştiye 37an.

Kocayî li ser hesabê xwe yê Twitterê wiha nivîsandiye: "Di 24 saetên dawîn de 3 hezar û 672 test hatin encamdan. 293 teşxîsên nû hatin kirin. Mixabin 7 kesên din mirin. Hişyariyek ji bo ciwanan, hûn ji şewbê ne bêpar in. Di jiyanê de lez nekin. Nekevin nava rîskê. Rîskê neguhêzin malên xwe. Li malê bin. Mal têrî jiyanê dikin."

Piştî pêvajoya 24 saetî li Tirkiyeyê hejmara kesên ku ji ber Kovîd-19ê mirin gihişt 37an, hejmara pêketiyên şewbê jî gihişt 1529an.

Roj bi roj hejmara nexweş û miriyan

11ê Adarê: nexweşek

13ê Adarê: 3 nexweş

14ê Adarê: 6 nexweş

15ê Adarê: 18 nexweş

16ê Adarê: 29 nexweş

17ê Adarê: 51 nexweş, mirinek

18ê Adarê: 93 nexweş, mirinek

19ê Adarê: 168 nexweş, 2 mirin

20ê Adarê: 311 nexweş, 5 mirin

21ê Adarê: 288 nexweş, 12 mirin

22ê Adarê: 289 nexweş, 9 mirin

23ê Adarê: 293 nexweş, 7 mirin

(EKN/FD)