Washington Postê wêneyê herî dawiyê yên Cemal Kaşikçiyî weşandiye

Ji bo nûçeya tirkî bitikîne

Cemal Kaşikçi yek ji nivîskarên rojnameya The Washington Postê ya Dewletên Yekbûyî yên Amerîkayê(DYA) ye. ew piştî ku çûyî Balyozxaneya Erebistana Siûdiyê bêserûşûn bûye.

Nûçegihanên WAshington Postê, Souad Mekhennet û Loveday Morrisê digel nûçeya xwe wêne jî weşandiye.

Ajansa nûçeyan ya Reutersê daye zanîn ku rojnamegerê navborî li balyozxaneyê hatiye kuştin.

Donald Trumpî îro eşkere kiriye ku ti kes nizanin çi hatiye serê rojnamegerî.

IHD: Kaşikçi li kû ye?

Komeleya Mafên Mirovan(IHD) û  Dayikên/Mirovên Şemiyê bi daxuyaniyekê pirsîn, gelo Cemal Kaşikçi li kû ye?

Bixwîne - Erebistana Siûdiyê: Ew rojnameger ji balyozxaneyê derketiye

Komeleya IHDyê û Dayikên Şemiyê daye zanîn ku ew ê bûyerê bişopînin. Dayikan diyar kiriye ku dema zarokên wan jî avahiyên dewletê bû, dewletê heman bersiv didan wan jî.

Rojnamegerekê bi navê Cemal Kaşıkçı [Jamal Khashoggi]  piştî çûyî Balyozxaneya Erebistana Siûdiyê ya li Stenbolê, bêserûşûn bûye, balyozxaneyê diyar kiriye ku rojnameger ji avahiya wan derketiye.

Balyozxane: Rojnameger ne li nik me ye

Balyozxaneyê li ser hesabê xwe yê Twitterê diyar kiriye ku “piştî [Cemal Kaşıkçı] ji balyozxaneyê derketî heke winda bûbe, balyozxane dê bi hevahengiya digel hêzên herêmî û bira şopa wî biajo.”

Rojnamegerê navborî ji bo rojnameyeka Dewletên Yekbûyî yên Amerîkayê ya bi navê Washington Post dinivîsî.

Ji roja sêşemê Cemal Kaşıkçı çûye Balyozxaneya Erebistana Siûdiyê ya li Stenbolê û ji hingê  ve ti agahiyên li ser rojnamegerî nehatine zanîn.

Tirkiye û DYAyê diyar kirine ku ew ji bo dîtina rojnamegerî kar dikin.

Rojnamegerê 59 salî li rojnameya Washington Postê nûçeyên li dijî prensê Erebistana Siûdiyê, Muhammed bin Selmanî dinivîsî. 

(AS/MB)