Stranbêj Gulşen bi şertê kontrola edlî serbest bûye

Ji bo nûçeya tirkî bitikîne

Stranbêj Gulşen ji ber gotinên xwe yên li ser dike weke hedef hatibû nişandan û biryara girtina wê hatibû dayîn. Dadgehê weke tedbîr biryara zîndanîkirina li malê li Gulşenê biriye û serbest kiriye.

Di encama nirxandina ku hatiye kirin de dadgehê biryara azadkirina Gulşenê bi şertê "ji malê dernekeve" ku yek ji tedbîrên kontrola edlî ye daye.

Li gorî nûçeya Ajansa Anadolûyê, Serdozgeriya Komarî ya Stenbolê, li gorî Xala 2016ê ya TCKyê û bi tohmeta ku "kîndarî û dijminatî di nava gel de belav kiriye yan jî biçûk xistiye", ji ber xwe ve lêpirsînek dabû destpêkirin. Parêzera Gulşenê Emek Emre di Iniya 26ê Tebaxê de daxwaznameya îtiraza girtina miwekîlla xwe pêşkêşî 26emîn Dadgeha Cezê û Asliyê ya Nobedara Stenbolê kiribû.

Çi bûbû?

Serdozgeriyê bi tohmeta ku Gulşenê li gorî Xala 216ê ya Qanûna Cezayan a Tirkan (TCK) "kîndarî di nava gel de belav kiriye û dijminatî di nava wan de çêkiriye" û sûc kiriye. Divê polîs îro (25ê Tebaxê) Gulşenê bibin dozgeriyê.

Li gorî nûçeya Oda TVyê, ji ber gotinên Gulşenê yên derbarê Lîseyên Perwerdeya Mela û Xetîban de lêpirsîna wê tê kirin.

Gulşenê di 30ê Nîsanê de, di dema konsereke xwe de, li ser dikê gotiye, "Berê wî di (lîseya perwerdeya) mela û xetîban de xwendiye, ji ber wê ye jirêketîbûna wî." Piştî ev gotinên Gulşenê li ser medyaya civakî hatin weşandin, gelek kesan bertek nîşan da û bi hashtaga "#GülşenTutuklansın" (Bila Gulşen bê girtin) û "#HaddiniBilGulşen" (Hedê xwe bizanibe Gulşen) gelek tweet hatin weşandin. Her weha gef lê hate xwarin.

Yek ji kesên ku Gulşen kiribû hedef, rojnameya Sabahê bû. Rojnameya Sabahê nûçeyek derbarê Gulşenê de weşandibû û gotibû: "Gotinên skandal ên Gulşenê (lîseyên perwerdeya) mela û xetîban dike hedef derketine holê ku di konserên xwe de ala LGBTIyan vedike, dibêje 'kesên naecibînin bila biçin' û ev gotinên wê bûne sedema bertekan."

Her weha Serokê Saziya Karûbarên Olî Ali Erbaşî jî li ser hesabê xwe yê Twitterê peyamek weşandiye û bertek nîşanî Gulşenê daye. Erbaşî diyar kiriye ku gotinên Gulşenê nayên qebûlkirin.(AO/AY)