Romana Helîm Yûsivî li Rojavayê hatiye weşandin

Desteya Çand û Hûnerê ya Herêma Cizîrê(Rojava) romana Helîm Yûsivî ya bi navê “gava masî tî dibin” weşandiye.

Helîm Yûsivî li ser vê yekê peyamek li ser hesabê xwe yê Facebookê weşandiye, Helîm Yûsivî nivîsîye li Rojavayê weşandina kitêba wî ji bo wî xewnek bûye.

“Xewneke min pêkhat
“Romana min "Gava ku masî tî dibin" li Rojava hat weşandin.
“Piştî qedexekirina bi dehên salan ya li ser ziman û çanda me, piştî kezebreşiya demdirêj ya ku me bi çapkirina berhemên xwe re didît, roj hat û li cihê jidayikbûnê, li Amûdê, ku navenda herêma Cizîra rojavayê Kurdistanê ye berhemên me bi zimanê dayikê serbest bêne weşandin û belavkirin. 
“Em deyndarên wan kesanin ewên ku rê li ber pêkanîna vê xewnê vekirin.
“Sipasiyeke taybet ji bo "Desteya çand û hunerê ya herêma Cizîrê".
“Pirtûk wê di pêşangeha pirtûkan ya Qamişlo de, di Tîrmehê de, bê belavkirin.”

Helîm Yûsiv kî ye?

Nivîskarê kurd Helîm Yûsiv di sala 1967an de li Amûdê (binya xetê) hatiye dinyayê. Wî li Unîversîteya Helebê xwendina hiqûqê qedandiye û ji sala 2000î û vir ve li Almanyayê dijî.

Bi dehan gotarên wêjeyî di kovar û rojnameyên erebî û kurdî de weşandine. Heta niha berhemên wî bi Kurdî, Erebî, Tirkî û Elmanî hatine weşandin. Hemû berhemên wî yên bi Kurdî ji hêla weşanxaneya Avesta yê ve li Stenbolê hatine weşandin.

Heta niha ev berhemên Helîm Yûsiv çap bûne: Mêrê avis, çîrok, 1991 bi erebî, 1997 bi kurdî. / Jinên qatê bilind, çîrok, 1995 bi erebî, 1998 bi kurdî. / Mirî ranazin, çîrok, 1996 bi kurdî, 1998 bi tirkî. / Sobarto, roman, 1999 bi kurdî û erebî.

Wekî din çend çîrokên Helîm Yûsiv bûne şano û wî herweha li Sûriyê di antolojiyeke çîrokên Sûriyê de jî cih girtiye.

Berhem

1. Mêrê avis, çîrok, (1991 bi erebî, 1997 bi kurdî, 2004 bi elmanî).
2. Jinên qatê bilind, çîrok, (1995 bi erebî, 1998 bi kurdî).
3. Mirî ranazin, çîrok, (1996 bi kurdî, 1998 bi tirkî).
4. Sobarto, roman, (1999 bi kurdî û erebî).
5. Memê bê Zîn , roman, 2003 bi kurdî.
6. Tirsa bê diran, roman, 2006 bi kurdî.
7. Gava masî tî dibin, roman, Amed 2009, bi kurdî, Weşanên Lîs.
8. Romana kurdî lêkolîn, 2011, bi kurdî, Weşanên Ronahî.
9. Ausländer beg çîrok, 2011, bi kurdî, weşanên Lîs.
10. 99 Morîkên Belavbûyî, roman, 2015, bi kurdî, Weşanên     (MB)

Wêne: Facebook/HelimYusiv

Biyografiya Helîm Yûsivî: Wikipedia