Qeyûmî meclîsa Şaredarîya Bajarê Mezin a Wanê fesh kiriye

Ji bo nûçeya tirkî bitikîne

Mehmet Emin Bilmez piştî ku wek qeyûm ji bo Şaredarîya Bajarê Mezin a Wanê hatî wezîfedarkirin bi peyamekê endamên meclîsa şaredarîyê agahdar kiriye ku meclîs hatiye feshkirin.

Li gor peyama qeyûmî encûmen dê karên meclîsê bikin.

Yek ji endamên meclîsa şaredarîyê, Cemil Komiyî ji bianetê re eşkere kiriye ku berê jî kiriyarên nehiqûqî li wan hatine kirin.

“Di roja pêşiyê ya hatina qeyûmî de karê me hat astengkirin. Di heman rojê de, di sê çar sietan de encûmenên daîmî hatine hilbijartin. Bûrokratên şaredarîyê wek encûmen hatine hilbijartin. Me jî fêm nekir ka çi çêbû.

“Vêca niho jî karên me ji me hatiye standin û ji bo wan hatiye dayin.

“Berê jî heman kiriyara nehiqûqî hatibû kirin û em bi vî awayî du salan hatibûn birêvebirin.”

Di meclîsa şaredarîyê de 44 endamên HDPyê û 27 endamên AKPyê hebûn.

(EMK/MB)