Piştî 4 rojan rojnamegerên desteserkirî birine edliyeyê

Ji bo nûçeya tirkî bitikîne

Di çarçoveya lêpirsîna Serdozgeriya Komarî ya Enqereyê de li 9 bajaran 10 nûçegîhanên Ajansa Mezopotamya û JINNEWSê di encama bi sergirtina malan de hatibûn desteserkirin. Piştî 4 rojan rojnameger birine edliyeyê.

Polîsan destê rojnamegeran ji pişt ve kelemçe kiriye û ji emniyetê derxistine. Her weha rojnameger di yek rêzê de dane meşandin û dîmenek wisa daye nişandan.

Rojnameger bi awayê ku desten wan kelemçe kiriye di edliyeyê de dane sekinandin. Piştî ku rojnameger birine edliyeyê proseya îfade dayîna wan destpê bûye. Îfadeyên rojnamegeran ji aliyê neh dozgeran ve bi awayekî hevedemî tên girtin.

Bixwîne- Di encama serdegirtinan de 12 rojnameger hatine desteserkirin

Çi bûbû?

Di çarçoveya lêpirsîna Serdozgeriya Komarî ya Enqereyê de li 9 bajaran 11 nûçegîhanên Ajansa Mezopotamya û JINNEWSê di encama bi sergirtina malan de hatibûn desteserkirin.

2emîn Dadweriya Cezê û Aştiyê ya Enqereyê, ku li ser daxwaza Serdozgeriyê ji bo dosyeyê biryara nepenîtiyê dabû.

Dîsa li ser daxwaza dozgeriyê, 5emîn Dadweriya Cezê û Aştiyê ya Enqereyê 24 saetan hevdîtina bi parêzeran re qedexe kiriye.

Her wiha dozgeriyê dema desteserkirina rojnamegeran rojekê dirêj kiriye.

Parêzeran biryara dirêjkirina dema desteserkirinê û nepenîtiyê qebûl nekiriye.

Nûçegihanên MAê Dîren Yûrtsever, Denîz Nazlim, Selman Guzelyuz, Zemo Aggoz, Bêrîvan Altan, Hakan Yalçin, Emrullah Acar û Ceylan Şahînlî û nûçegihanên JinNewsê Habîbe Eren û Oznûr Deger û Derya Ren duh hatibûn desteserkirin.

Her wiha Midûra Karên Nivîsê ya MAyê Dîren Yûrtsever ku li Stenbolê û nûçegihanê MAyê Hakan Yalçin li Wanê hatibû desteserkirin.(HA/AY)