Mahmut Alinak tehliye bûye

Fotograf: Ajansa Mezopotamyayê

Ji bo nûçeya tirkî / ingilîzî bitikîne

Siyasetmedar û nivîskar Mahmut Alinak piştî hatibû girtîn, cara yekem e ku li 2yem Dadgeah Cezayê Giran a Qersê derketiye pêşberî dadgehê û hatiye tehliyekirin.

Parêzer Bişar Abdi Alinak, kurê Mahmut Alinakî biryara tehliyekirinê aşkere kiriye.

Alinak ev sê meh in ku girtî bû. Bi tohmeta ku “Dixwaze tevahî an jî beşek ji xaka dewletê bixe bin serweriya deleteke biyanî, yekîtiya dewletê têk bibe, beşek ji xaka di bin serweriya dewletê de ji bin rêveberiya dewletê veqetîne, serxwebûna dewletê lawaz bike” hatibû girtin. Dozgerî xwestibû bi cezayê miebeta girankirî were cezakirin.

Çi bûbû?

Siyasetmedar û nivîskar Mahmût Alinakê roja 13ê Sibatê li Qersê di serdegirtina mala xwe de hatibû desteserkirin. Di 17ê Sibatê de hatibû girtin. Malbata Alinakî piştî desteserkirinê gotibû, “Mahmût Alinak di 68 saliya xwe de 10em care li girtîgehê ye.”

Piştî ku kar û barê îfadedayîna Alinakî li Miduriyeta Polîsan a Qersê bi dawî bûbû Alinak biribûn Dadgeha Qersê. Piştî îfadeyên Alinakî li dadgehê hatine girtin ew bi tohmeta ku “endamê rêxistinê ye” hatibû girtin û şandibûn girtîgehê.

Bi tohmeta ku dahata pirtûka xwe ya bi navê “Bêkes”î daye malbata Memet Tûnç, Hevserokê Meclîsa Gelî ya Cizîrê, danûstandinên bi xizmên wî re, nivîsên wî yê rexne li hikûmetê kirine, daxwaza lihevanîna du malbatên neyarên hev in û li Amedê bi berhevkirina zibilî re xwestiye derbarê zibilan de baldariyê çêbike Alinak hatibû girtin.

Derbarê Mahmut Alinakî de

Hiqûqnas, parêzer, siyasetmedar, parlamenter, nivîskar.

Di sala 1952yê de li Dîgora Qersê jidayik bûye. Piştî ku dibistana seretayî li Dîgorê, Lîse li Qersê xwendiye, Fakulteya Hiqûqê ya Zanîngeha Enqereyê qedandiye. Di heman demê de nivîsên wî di rojnameya Gundemê de hatine weşandin. Nêzîkî 10 pirûkên wî hene.

Di hilbijartinên 1987an de li ser navê Partiya Gelparêz a Sosyal Demokratan (SHP) bûye namzetê Qersê û weke parlamenter hatiye hilbiijartin. Piştî bi çar salan li ser navê hevgirtina Partiya Kedê ya Gelî (HEP)-SHPyê bûbû namzetê Şirnexê û hatibû hilbijartin. Demekê bûye Serokê Partiya Civaka Demokratîk (DTP) yê Qersê. Di hilbiijartina 2007an de li ser navê DTPyê namzetê serbixwe yê Qersê bû.

Gelek caran hatiye girtin. Kanûna Pêşiyê ya 2011an “di operasyonên KCKyê de” hatibû girtin. Di 18ê Tîrmeha 2012an de tehliye bûbû. Ji ber gotinên wî yên derbarê îşkencekirinê de 14 meh û 17 roj cezayê girtîgehê lê hatibû birîn. Bi şertê kontrola edlî ji Girtîgeha Vekirî ya Qersê hatibû berdan lê bi hinceta ku tedbîrên hatine pêkanîn ret kiriye di 16ê Îlona 2014an de dîsa hatibû girtin. 5ê Kanûna 2014ê ji Girtîgeha Tîpa Fyê ya Kandirayê derketibû. (AS/FD)