Li Nisêbînê leşkerek û polêsek hatin kuştin

Ji bo nûçeya Tirkî

Li navçeya Nisêbînê ya Mêrdînê li dijî hêzên dewletê êrişeke bombeyî pêk hat û di encamê de polêsek û leşkerek hatin kuştin, 9 polês û leşker jî birîndar bûn

Li Nisêbînê ji 14ê Adarê vir ve derketine derve hatiye qedexekirin  û ji hêla hêzên dewletê ve lê operasyon tê kirin.

TSKyê bi daxuyaniyek ragihand ku îro saet 12:30an de dema li navçeyê operasyon dewam dikir, ji hêla hêzên PKKê ve êrişeke bombeyî hatiye kirin.

Di encama êrişa ku li taxa Yenişehirê pêk hat de, leşkerek hat kuıştin û 10 polês-leşker jî birîndar bûn.

Hat ragihandin ku 10 kesên birîndar rakirine nexweşxaneyê lê polêsek ji wan birîndaran li Nexweşxaneya Dewletê ya Nisêbînê canê xwe ji dest daye. Dermankirina 9 birîndarên din dewam dike.

YPSê bi daxuyaniyek ragihand ku wan îro hêzên xwe bi temamî ji Nisêbînê vekişandine.

(NV/YO)