Li Kanîreşa Çewlîgê zivistan naqede!

 Xelkê ‎Kanîreşê ku li benda biharê bûn, vê sibê bi barîna berfê ji xew rabûn. Berfê bandoreke nerênî li ‎jiyana welatiyan kirîye û pileyên germayê jî daketine.

Her çiqas metirsîya zehmetîyên berfê û  yên şewba vîrûsa Covîd-19yê di nav xelkên deverê de hebe jî xelk zêdetir bi karê cotkariyê ve mijûlin û karen xwe didomînin. Ji ber ku bê cotkarî û esnafîya biçûk çi dahatek wan nîne.

Li gel virûsa koronayê barîna berfê herçiqas bandoreke nerênî li ser jiyana rojanê ya welatîyan çê bike jî navçe bi spî xemilandî û dîmenên ciwan bi xwe re aniye.

Li vê deverê 4 meh berf li erdêye û zivistane. Di meha Adarê da ‘Sêla Sor’ dikeve erdê berf dest bi helandinê dike. Herweha ‘Sêla Sor’ di nav gel da wek hêmaya ji zivistanê derbasbûna biharê tê zanîn û tê wateya germbûna hewa yê.

(AS/FD)