Li Êlihê 1ê Gulanê hate pîrozkirin

Fotograf: Semra Yansit

Karker û kedkaran li Êlihê 1ê Gulanê Cejna Karker û Kedkaran a Cîhanî li Parka 8ê Adarê pîroz kir.

Karker û kedkar ji bo 1ê Gulanê Cejna Karkeran pîroz bikin li Parka 8ê Adarê kombûn. Bi hezaran kedkar bi dirûşmên "Bijî bexwedana kedkaran", "Bijî yek Gulan" û "Jin jiyan azadî" ber bi qada pîrozbahiyê ve meşiyan.  

Di dema pîrozbahiyê de sendîka, partiyên siyasî, rêxistinên civaka sivîl û aktîvîst bi pankart û alên xwe, daxwaz û bendewariyên xwe nîşan dan. Sendîkaya Egitim-Senê jî bi pankarteke kurdî, daxwaza perwerdeya bi zimanê dayikê kir. 

Meclîsa Ciwanên Partiya Kesk a Çep (YSP) li piş pankarte ku li ser wê "Israra di Sosyalîzmê de israra di mirovbûnê de ye" hatibû nivîsîn, meşiya. 

Sendîkayan li ser pankartên xwe bi kurdî û bi tirkî "Bijî 1 Gulan" nivîsandibûn. 

Li her devera parkê, çalakvanan govend digerand. 

(SY/FD)