Li Dêrsimê 11 roj in daristan dişewite

Fotograf: MA

Li Xozatê, navçeya Dêrsimê, ji 17ê Tebaxê û vir ve ye daristan dişewite.

Li gorî nûçeya Ajansa Mezopotamyayê roja 17ê Tebaxê di dema operasyona leşkerî de li gundikê Koçerî, gundên Kûrûkaymak û Danziyê agir bi daristanê ketiye. Agir duh heta gundê Ûzûnçeşmeyê belav bûye, îro gihîştiye gundê Karperê yê navçeya Pulurê.

Tam 11 gündür Dersim'de ormanlar yanıyor. Hozat'ta başlayan yangın Ovacık sınırına dayandı.
Keçilerin, börtü böceğin yaşam alanı yok oluyor. Acil müdahale edilsin! @OGMgovtr#DersimYanıyor #DersimYanıyorSesVer pic.twitter.com/nldSD2PzJx

— Yeryüzü Ekoloji Kolektifi (@YeryuzuEkolojii) August 27, 2021

Li gorî heman nûçeyê welatiyan xwestiye biçin agirî vemirînin lê leşkerên Qereqola Cendermeyan a Bîlgîçê ew asteng kirine. Her weha Qaymeqamê Pûlûrê jî ji wan re gotiye “Paş de vegerin ji bo wê baş nebe”.

Fatîh Mehmet Maçoglû, Şaredarê Dêrsimê û komeke rojnameger çûne gundê Karperê. Maçoglûyî jî diyar kiriye ku midaxeleyî agirî nayê kirin. (FD)