Li Amedê 30 kes ji ber parvekirinên medyaya civakî hatin desteserkirin

Ji bo nûçeya Tirkî bitikîne

Serdozgeriya Komarî ya Amedê aşkere kir ku 30 kesên bi tohmeta di medyaya civakî de “propagandeya terorê” kirine hatine desteserkirin.

Wezareta Navxweyî jî vê sibehê diyar kir ku 17 jê li Amedê li tevahiya Tirkiyeyê 24 kes hatine desteserkirin.

Li Stenbolê bi giştî ji bo 75 kesan lêpirsîn hatiye destpêkirin.

Serdozgeriya Komarî ya Enqereyê derbarê Ayhan Bîlgen Berdevkê Partiya Demokratîk a Gelan (HDP) û Nadîr Yildirim Alîkarê Hevserokê Giştî yê HDPyê de ji ber daxuyaniyên derbarê operasyona Efrînê de lêpirsîn daye destpêkirin.

BIXWÎNE - Roja sêyem a operasyona li ser Efrînê

Li gorî daxuyaniya Serdozgeriya Komarî ya Amedê, derbarê wan kesan de lêpirsîn hatiye vekirin ku derbarê "Operasyona Çiqlê Zeytûnê ya TSKyê 20ê Kanûna Paşiyê dabû destpêkirin de li ser hesabên medyaya civakî 'dijminatiyê û kînê di nava civakê de belav dikin', 'propagandeya rêxistinên terorê yên çekdar yên weke PKK/KCK/PYD/YPG û DAIŞê dikin' û 'bangewaziya çalakiyên provokatif dikin".
Di çarçoveya lêpirsînê de ekîbên Midûriyeta İstixbaratê, yên Têkoşîna li dij terorê û sûcên înformatîkê dest bi lêkolîna parvekirinên medyaya civakî kirin.

Di encama lêkolînê de ji bo 30 kesan biryara desteserkirinê hate derxistin.

Kesên ku hatine desteserkirin birine Midûriyeta Emniyetê ya Amedê. (AS/FD)