Konsera Siya Şevê ya Amedê 9ê Sibatê ye

Wêne: Murat Bayram/bianet

Siya Şevê dê 9ê Sibatê saet 21:00ê li Babel Terraceya li Ofîsa Amedê konsertekê bide. Solîstê komê Gokçe Selîm dê stranên xwe yên kevin û nû bistire.

Gokçe Selîmî ji bianetê re got: 

"Me konsera lansmana albûma xwe jî li Amedê pêk anibû. Ev demek e em neçûbûn Amedê. Dem hatiye em biçin.

"Baterîstê me yê berê, Mahmut Daglar ji beriya mehekê koça dawiyê kir. Em ê bi batarîstê me yê nû Serhat Kayanî re biçin ser dikê.

"Piştî konsera Amedê em ê li Stenbolê jî konserekê bidin."

Siya Şevê di sala 2018ê de piştî albûmên xwe yên bi navê Zeng, Pûç û Bêyom albûma xwe ya çaremîn a bi navê Li Pey Siya Xwe belav kiribû.

Siya Şevê, piştî derxistina albûma xwe ya çaremîn li Amed, Stenbol, Izmîr û Wanê konser dabûn.

Herwiha endamên Siya Şevê, Gokçe Selîm û Serhat Temel di lijneya kovara muzîkê Ziryabê de cih digirin ku kovar niha amadekariya hejmara duyemîn dike.

(MB)