Kesên hêjayî Xelatên Pulitzerî hatine dîtin, aşkere bûne
Filmê The Post
Ji bo nûçeya tirkî bitikîne
Kesên ku hêjayî Xelatên Pulitzerî hatine dîtin aşkere bûne. Merasîma xelatdayînê, ji ber nexweşiya vîrusa koronaya nû ango Covid-19ê îsal pêk nehat ku her sal li Zanîngeha Columbiayê ya li New Yorkê dihate dayîn.
Yek ji wan xelatan e ku rê li ber rojnamegeran vedike û ji wan re dibe motivasyon.
Rojnameger Dana Canedy, endama Lijneya Rêveber a Xebatên Pulitzerî xelatgir aşkere kirine. Canedy-yê li mala xwe di weşaneke zindî ya li ser Youtube-ê de kiriye û liv ir navên hêjayî xelatkirinê bûne, ragihandiye.
Rojnameger û nûçeyên wan ên ku hêjayî xelatê hatine dîtin
* Nûçeyên Lezgîn (Breaking News Reporting): Ekîba The Courier-Journalê. (Waliyê Kentucky-ê piştî gotinên xwe yên cidaxwaz lêborîna xwe xwestibû. Ekîba The Courier-Journalê dêma lêborîna Waliyî bi hemû detayên wê ragihandibû).
* Rojnamegeriya Lêkolîner (Investigative Reporting): Brian M. Rosenthal- Rojnameya The New York Timesê. Di nûçeyeke xwe behsa şêweyê karkirinê ya taksiyên li New Yorkê kiribû. Hin zanyarî derbarê rêjeyên krediyan û mexdûrbûna ajokarên taksiyan aşkere kiribû. Piştî nûçe hatibû weşandin, lêpirsîn di asta netewî û federal de hatibûn destpêkirin. Paşê jî reform di yaseyan de pêk hatibû.
* Rojnamegeriya Raveker (Explanatory Reporting): Ekîba Washington Postê. Derbarê bandorên metirsîdar ên germbûna kurewî de rêzenivîsek amadekiribûn.
* Rojnamegeriya Herêmî (Local Reporting): Ekîba The Baltimore Sunê. Nûçeyek derbarê têkiliyên darayî yên di navbera şaredar û nexweşxaneya dewletê de weşandibûn. Lêpirsînê dest pê kiribû û kontrola fermî li ser vê têkiliyê hatibû kirin.
* Rojnamegeriya Netewî (National Reporting): T. Christian Miller, Megan Rose û Robert Faturechi (ProPublica). Lêkolîn li ser qezayên di Okyanûsa Pasifîkê de pêk tên û 7em Fîloya DYayê kiribûn û ew weke nûçe weşandibûn.
* Rojnamegeriya Netewî (National Reporting): Dominic Gates, Steve Miletich, Mike Baker û Lewis Kamb (The Seattle Times). Nûçeyek derbarê kêmasiyên dîzaynî yên balafirên Boeign 737 Maxê de weşandibûn ku ev kêmasî bûbû sedema du qezayan û di encamê de rêwî miribûn.
* Rojnamegeriya Navnetewî (International Reporting): Ekîba The New York Timesê. Nûçeyek derbarê siberoja Vladimir Pûtîn, Serokdewletê Rûsyayê û rejîmê de bi weşandibûn.
* Rojnamegeriya Edebî (Feature Writing): Ben Taub (The New Yorker. Çîroka mêrekî ku li Guantanamoyê beriya niha bi 10 salan hatibû revandin, îşkence lê hatibû kirin û ji azadiya xwe bêpar mabû nivîsandibu. Rêbazên “têkoşîna li dijî teröre” ya DYAyê bi detay di nûçeyê de bicih kiribû.
* Şîrovekirin (Commentary): Nikole Hannah-Jones (The New York Times). Gotarek derbarê serdema koletiyê ya li DYAyê de nivîsandibû ku ev kole ji Afrîkayê hatine û di navenda dîroka DYAyê de cih girtine. Rojnamegerê ji perspertîva rizgarî û ewrîma netewî ev gotar nivîsandibû.
* Rexnegirî (Criticisim): Christopher Knight (Los Angeles Times). Nivîseke rexneyî li ser misyona Muzexaneya Hunerî ya Los Angelesê nivîsandibû û hin tişt pêşniyar kiribûn.
* Nivîskariya Edîtoryal (Editorial Writing): Jeffery Gerritt (Herald Press). Ji ber ew karî edîtoryal kiriye ku lêkolîn li ser mirinên li girtîgeheke biçûk a Teksasî kiriye û xetayên polîs û daraza herêmî derxistiye holê.
* Karîkatora Edîtoryal (Editorial Cartooning): Barry Blitt (The New Yorker): Ji ber wan karîkatoran ku behsa rûtînên pêşwaziya mêvanan a Trumpî li Koşka Spî dikir.
* Wênekêşiya Nûçeyên Lezgîn (Breaking News Photography): Serwîsa fotografan a Reutersê. Ji ber wan fotografan ku li Hong Kongê hatine kişandin û tundkariya polîsan a li dijî xwenîşandaran û berxwedana xwenîşandaran nîşan didan.
* Wênêkêşiya Edebî (Feature Photography): Channi Anand, Mukhtar Khan û Dar Yasîn (Associated Press).
* Rojnamegeriya Dengî (Audio Reporting): Ekîba This American Life-ê, Molly O’Toole (Los Angeles Times), Emily Green (rojnamegera serbixwe) û Vice News.
Xelatên Hunerî yên Pulitzerî
* Şanoya A Strange Loop (Fetleke Seyr) a derhênerê wê Michael R. Jackson e.
* Pirtûka bi navê Sweet Taste of Liberty: A True Story of Slavery and Restitution in America (Çêja Tahmxweş a Azadiyê: Çîroka Rastîn a Koletiya li Amerîkayê û Îadekirinê) ya W. Caleb McDanielî.
* Pirtûka biyografik a Benjamîn Moserî ya bi navê Sontag: Her Life and Work (Sontag: Jiyan û Karên Wê).
* Pirtûka helbestan a Jericho Brownî a bi navê The Tradition(Kelepor).
* Di beşa “Pirtûkên ne honandî yên giştî” de pirtûka derbarê tenduristiyê ya Anne Boyerê ya bi navê The Undying: Pain Vulnerability, Mortality, Medicine, Art, Time, Dreams, Data, Exhaustion, Cancer and Care û ya Greg Grandin a bi navê The End of The Myth: From the Frontier to the Border Wall in the Mind of America.
* Romana Colson Whitehead a bi navê The Nickel Boys.
* Operaya The Central Park Five ya Anthony Davisî.
Derbarê Xelatên Pulitzerî de
Zêdetirî 100 salin ku di 21 beşan de tê dayîn.
Li bajarê New Yorkê Zanîngeha Columbiayê di warên rojnamegerî, wêje û muzîkê de dide.
Di Sedsala 19em de rojnameger Joseph Pulitzerî ava kiriye.
Nirxê 20 beşan berberî 10 hezar dolarî ye û weke pere û her weha sertîfîka tê dayîn. Lijneyeke serbixwe xelatgiran diyar dike. (PT/FD)