Hevalên Hrant: Nobeta ji bo edaletê dê dewam bike

Ji bo nûçeya Tirkî

Beriya doza wezîfedarên dewletê ku di çarçoveya qetilkirina Hrant Dink de tên darizandin li ber Dadgeha Çaglayanê ji hêla Hevalên Hrant ve daxuyanî hat dayîn.

Di daxuyaniyê de hat diyarkirin ku derbarê hin wezîfedarên dewletê ji ber kuştina Dink vir ve mehek ewil doz hatiye vekirin û wiha hat gotin: ‘Li piştê perdeya vê cinayetê kî/kê hebe, kûrahiya vê bûyerên çiqas jî be heta ku li wan kesên sûcdar ceza neyê dayîn, em dê nobeta edaletê bidomînin û daxwaza edaletê her tim bînin ziman.’

Daxuyaniya Hevalên Hrant ku ji hêla Yildiz Onen ve hat xwendin bi vê rengê ye:

'Em mehek û nîv ewil, dîsa li vir ji bo nobeta edaletê hatin cem hev. Di netîceya dozên ku hatin yekgirî de hin wezîfedarên ku me ji destpêka darizandinê vir ve her dem îşaretê wan dikir, cara yekem mehek nîv ewil hatin darizandin. Yek ji wan sûcdaran çi digot: 'Me wekê dewlet çavên xwe ji kuştina Hrant Dink girt...'
Em tenê bi îtirafkirina vê bûyerê qebûl nakin. Ew kesê li ber çavên her kesî wê kuştinê pêk aniye, kesê ku kuştin li daye kirin, kesê ku ji vê kuştinê re çavên xwe girtiye; kî dibe, ji ku dibe bila bibe em dixwazin ku were darizdandin, hesab jê bê pirsîn. Em tişta ku di vê demê de zêdetir ji bo civakê pêwiste dixwazin: Em edaletê dixwazin.
Em vê daxwaza edaletê çawa ku sûcdarek jî gotibû 'Liberhevhatina du serdeman' re naxwazin bikin qurban. Kî/kê dibe bila bibe, heta hevparên vê qetilkirinê dernexin holê, cezayên ku wan heq kiriye nedin wan dê nobeta me ya ji bo edaletê berdewam bike. Em li ser navên wan kesên li çar aliyê dinyayê ku bala xwe dane vê dozê, diqêrin û dibêjin:
Heta ku me nebêjin xelas bûye, ev doz bi dawî nabe...

Derbarê kuştina Hrant Dink de rûniştina doza ku Serokê Daîreya Îstixbaratê Engin Dinç, Mudirê Emniyeta Stenbolê yê berê Celalettin Cerah, serokên berê yê îstixbaratê Ramazan Akyurek, Sabrî Uzaun, Ahmet Ilhan Guler, Mudirê Emniyeta Trabzonê ya berê Reşat Altay jî tê de tên darizandin, dê li Dadgeha Cezayê Giran a 14. ê Stenbolê pêk were û 3 roj jî bidome.

(EA/ÇT/YO)