Hefteya Modeyê ya Kurdistanê dê dest pê bike

Amadekarên Kurdistan Fashion Week(KFW, Hefteya Modeyê ya Kurdistanê) dane zanîn ku “2-4ê Îlonê, KFW dê bê pêkanîn.”

*Mizgîn, modêla kurd

Cara yekem e

Li gor agahiyên li malpera KFWyê “Li Kurdistanê û heta ku li Iraqê cara yekem e ku hefteya modeyê tê pêkanîn.”

Çalakiyên ji bo KFWyê dê li Otêla Divanê ya Hewlêrê bê pêkanîn. KFW dê çalakiyeka navneteweyî be. Dîzayner û modêlên kurd û biyanî dê beşdar bibin.

*Muhemmed, modêlê kurd

Amadekaran diyar kiriye:

“Em dixwazin ji dinyayê re diyar bikin ku Kurdistan cihekê rengîn e. Em ew kes in ku ji delalîya jiyanê hez dikin. Em dixwazin bibêjin ciwanên me şiyan û xewnên şahane hene.

*Mahsa, Modêla kurd

Bi hezaran namzetên modêlîyê...

Ji 4 hezaran zêdetir kesan ji bo modêlîyê bikin navê xwe li lîsteya modêlan daye nivîsîn. 350 kesên bi dildarî ji bo hefteyê kar dikin hene. 

*Sargul, modêla kurd

Amadekaran ji bianetê re diyar kirin ku xebatên wan didomin û ew ê di demekê nêzîk de dest bi belavkirina agahiyên berfirehtir bikin. 

(MB)

Wêne: KFW

*Me ev nûçe ji agahiyên li http://kurdistanfashionweek.com berhev kirine û ji ingilîzîyê wergerandine.