DISK, KESK, TMMOB û TTByê li Qada Taksîmê 1ê Gulanê pîroz kir

Fotograf: DÎSK

Ji bo nûçeya tirkî / ingilîzî bitikîne

Konfederasyona Sendîkayên Karkerên Şoreşger (DISK), Konfederasyona Sendîkayên Karmendan (KESK), Yekîtiya Doktorên Tirkan (TTB) û Yekîtiya Odeyên Mihendîs û Mîmarên Tirkan (TMMBO) ji bo 1ê Gulanê pîroz bikin û qurbaniyan yad bikin, çûn Qada Taksîmê.

Bixwîne - Polîsan zêdetir ji 100 kesên xwestin biçin Taksîmê desteser kirin

Endamên her çar rêxistinan saet di 12.00ê de li Gumuşsuyuyê hatin ba hev û bi pankarta ku li ser wê “Hêvî mil bi mil” nivîsandiye meşiyan. Kom bi vî awayî çû Qada Taksîmê.

Li vir li ser navê her çar rêxistinan nûner û rêveberên wan axivîn û paşê çalakiya xwe bidawî anîn.

Di vê navberê de îro gelek endam, rêveber û nûnerên partiyên siyasî, sendîka û rêxistinên pîşeyî xwestin bitin Qada Taksîmê lê polîsan destûr neda wan. Polîsan midaxeleyî van koman kir û di encamê de zêdetir ji 100 kesan desteser kirin. (VO/AS/FD)