Di tûra 20em de jî serokê Dadgeha Bilind nehat hilbijartin

Mehmet Akarca 4 sal in serokê Dadgeha Bilind e. Ji ber dema wezîfeya 4 salan a Akarca bidawî bû di 25ê Adarê de ji bo serokatiya nû hilbijartin hat kirin. Ji ber ku piraniya dengan nayê bidestxistin, hilbijartin di tûra 21em a dengdanê de didome.

Di 20 tûrên destpêkê yên dengdanê de ti namzetan ji dengên 348 endaman herî kêm 175 deng nestand. Ji bo serokê nû bê hilbijartin divê ji 348 dengan herî kêm 175an bidest bixe.

Di tûra 20em a ku îro hat kirin de Serokê Dadgeha Bilind Akarca 114 û Serokê 3yemîn Daîreya Hiqûqê Omer Kerkez 149 deng bidest xist.

Di hilbijartinan de 326 deng hatin tomarkirin, 8 deng vala hat dayîn û 55 deng jî betal bûn.

(RT/AY)