4 endamên ESPê hatin desteserkirin
Polîsan vê sibê bi ser malan de girtine û Cîgira Hevserokê Giştî yê ESPê Beycan Taşkiran jî di nav de 4 kes desteser kirin.
Di çarçoveya lêpirsîna ku ji aliyê Serdozgeriya Komarî ya Amedê hatiye destpêkirin de, polîsan danê vê sibehê li Amed û Bûrsayê bi ser gelek malan de girt.
Li gorî nûçeya Ajansa Mezopotamyayê, Cîgira Hevserokê Partiya Sosyalîst a Bindestan (ESP) Beycan Taşkiran, endama Meclîsa Jinên Sosyalîst (SKM) Satiye Ok û 2 kesên din hatin desteserkirin.
Kesên hatin desteserkirin birine Şaxa Têkoşîna Dijî Terorê (TEM) a Amedê.
ESPê têkildarî desteserkirinan li ser platforma medyaya civakî Xê daxuyanî daye û gotiye, “Polîsan bi ser mala ku Cîgira Hevserokê me yê Giştî Beycan Taşkiran, endama me ya Meclîsa Jinên Sosyalîst (SKM) Satiye Ok lê dimîne girtin. Lêgerîna li malê dewam dike. 3 endamên me hatin desteserkirin.”
(TY/AY)
https://bianet.org/haber/4-endamen-espe-hatin-desteserkirin-288275
2024-05-20 04:00:46