Zarokeke 5 salî li navçeya Kuçukçekmeceyê rastî istismara cinsî hatiye

Ji bo nûçeya tirkî / ingilîzî bitikîne 

Li Taxa Kanaryayê ya Kuçukçekmeceya Stenbolê, zarokeke keç a 5 salî rastî istismara cinsî hatiye.

Li gorî îdiayê malbata zaroka ku rastî istismarê hatiye, bi laşê wê yê bixwîn li ber deriyê mala xwe dîtine. Malbatê zaroka xwe biriye nexweşxanê û ew niha tê dermankirin.

Hatiye diyarkirin ku zarokekî/e din ê/a 5 salî li cem zaroka keç a rastî istismara cindî hatiye, bûye û wê/wî şahidî li bûyerê kiriye.

Niştecihên taxê bûyer protesto kiriye

Piştî ku niştecihên taxê ji bûyerê agahdar bûne, duh bi şev bûyer protesto kirine. Di saetên êvarê de jinên taxê meşeke protestoyî pêk aniye û bang li niştecihên taxê kirine ku bertekan nîşan bidin.

İstanbul Küçükçekmece'de 4 yaşındaki bir çocuk birden fazla kişi tarafından istismara maruz bırakıldı. Bunun üzerine, mahalleli kadınlar istismarı protesto etmek için polis karakolunun önüne yürüdü.
Çocuk istismarının örtbas edilmesine izin vermeyeceğiz! pic.twitter.com/De8PNG0QBh

— Kadın Kolektifi (@kadinkolektifi) 23 Nisan 2019

Protestoya niştecihan di saetên şevê de jî berdewam kiriye û niştecih li ber Qereqola Kanaryayê kom bûne.

Midûriyeta Giştî ya Emniyetê derbarê bûyerê de li ser hesabê xwe yê Twitterê daxuyaniyek belav kiriye û gotiye, “Keça me ya zarok a 5 salî li Kuçukçekmeceyê li nexweşxaneyê tê dermankirin. Em pêvajoyê dişopînin”.

Meclîsa Jinan a Partiya Demokratîk a Gelan (HDP) jî daxuyaniyek weşandiye û gotiye ku ew bûyerê dişopînin.

Îro saet di 13.00ê de wê bi beşdariya Huda Kaya, parlamentera HDPyê li ber avahiya Midûriyeta Emniyetê ya Kuçukçekmeceyê daxuyaniyekê bidin çapemeniyê. (AO/FD)

Fotograf: Meclîsên Jinan/Twitter