“LGBTI+ ji mafê perwerdehiyê bêpar dimînin”

Ji bo nûçeya tirkî / ingilîzî bitikîne

Sendîkaya Kedkarên Zanist û Perwerdehiyê (Egitim-Sen) Rapora Zayendperestiyê ya dawiya salê aşkere kiriye. Di raporê de hatiye diyarkirin ku newekheviyên di navbera zarokên keç û kur de û istismara zayendî ya li hemberî zarokan zêdetir bûye.

Hin xalên ku di raporê de derketine pêş wiha ne:

* Rêjeya kesên diçin dibistana seretayî di salên 2016-2017ê de ji sedî 91,2 bûye. Ev rêje di sala 2017-2018ê de derketiye ji sedî 91,5. Ji sedî 91,7 zarokên keç, ji sedî 91,4 jî zarokên kur bûne.

* Rêjeya kesên diçin dibistana navîn, di salên 2016-2017ê de ji sedî 95,7 bûye. Ev rêje di sala 2017-2018ê de dakiteye ji sedî 94,5ê. Ev rêje ji bo zarokên keç ji sedî 94,7, ji bo zarokên kur ji sedî 94,3 ye.

* Rêjeya kesên diçin lîse û zanîngehê, di salên 2016-2017ê de ji sedî 82,5 bûye, ev rêje di sala 2017-2018ê de ji sedî 83,6 ye. Di navbera zarokên keç û kur de rêje gelekî nêzî hev in, ku ji sedî 83,4 keç, ji sedî 83,8 jî kur in.

“Derfetên mêran ji yên jinan bêhtir in”

Di raporê de hatiye diyarkirin ku li welatên Rêxistina Hevkarî û Geşepêdana Aboriyê (OECD) asta perwerdehiya mêran ji ya jinan kêmtir e lê li Tirkiyeyê rewş berovaciyê vê rewşê ye:

* Li Tirkiyeyê sala 2017ê, rêjeya jinên ku di demeke zû de dest ji perwerdeyê berdan e, ji sedî 34 bûye. Ev rêje di nava mêran de ji sedî 31 bûye.

* Li Tirkiyeyê di nava kesên temenê wan di navbera 25-34an de ji sedî 47ê jinan perwerdeya lîseyê nestindine, ev rêje di nava mêran de ji sedî 42 bûye.

* Li gorî rapora Sûcên Nefretdariyê yên Bingeha Xwe ji Homofobî û Transfobiyê Distînin ya 2017ê; 117 sûcên nefretdariyê li hemberî kesên LGBTI+ hatine kirin ku 23 ji wan li hemberî kesên LGBTI+ yên temenê biçûk de çêbûne. Ji 23 sûcan ji 10 sûc li dibistanan hatine kirin. (EMK/FD)