Ji bo nûçeya tirkî / ingilîzî bitikîne
Meclîsa Tenduristiya Karkeran û Ewlehiya Karî (İSİG) di Roja Penaberan a Navnetewî de raporek weşandiye. Li gorî vê raporê di sala 2018ê de herî kêm 108 karkerên penaber-koçber, di dema karî de mirine.
Di daxuyaniya Meclîsê de hatiye diyarkirin ku bi saya bijîşkên ku li Stenbolê kar dikin ew ji sedî 14ê bûyerên mirinê agahdar bûne. Lê di ti cure medyayê û medyaya civakî de behsa van bûyeran nehatine kirin. Ji ber wê jî ji vê hejmarê gelekê zêdetir karkerên penaber an jî koçber di dema karî de mirine.
Sal bi sal hejmara karkerên penaber-koçber ên dimirin zêdetir dibe
Meclîsê diyar kiriye ku sal bi sal hejmara karkerên penaber-koçber ên dimirin zêdetir dibe û ev dane pap ve kiriye:
* Sala 2013ê 22 karkerên penaber-koçber
* Sala 2014ê 53 karkerên penaber-koçber
* Sala 2015ê 67 karkerên penaber-koçber
* Sala 2016ê 96 karkerên penaber-koçber
* Sala 2017ê 88 karkerên penaber-koçber
* Sala 2018ê 108 karkerên penaber-koçber mirine.
Ji sedî 44 karkerên ku mirine ji Sûriyeyê ne
Dema hejmara karkerên ji Iraqê jî hatine li ser tê zêdekirin, tê dîtin ku ji çaran sêyê karkerên penaber-koçber ên mirine, ji welatên şer lê dewam dikin in.
Li gorî daneyan 48 karkerên Sûriyeyî, 28 Afgan, 5 Azerî mirine. Dîsa Iraqê 4, ji Pakistanê 4 û Turkmenistanê 4, ji Gurcistanê 2, ji Îranê 2, ji Rûsyayê 2 û ji Nîjeryayê 2, her yek ji Hindistan, Kirgizistan, Macaristan, Nijerya, Ozbekistan, Tacikista û Zîmbabweyê jî karkerek miriye.
Salên borî ji sedî 60 karkerên ji Sûriyeyê mirine. Îsal jî ji sedî 44 karkerên ku mirine ji Sûriyeyê bûne. Li gorî Meclîsê sedema kêmbûna vê rêjeyê ew e ku hejmara karkerên Afganî yên mirine zêdetir bûye.
Karkerên ji Sûriyeyê
Meclîsê destnîşan kiriye ku di Kanûna Paşiyê ya 2018ê de 3 milyon û 611 hezar û 834 penaber-koçberên ji Sûriyeyê li Tirkiyeyê ne. Lê ev hejmar bi kesên ne bi rêyên fermî li Tirkiyeyê dimînin re 4 milyonan derbas dike.
227 hezar û 332 Sûriyeyê li 21 kampên cida dimînin. Lê yên din li tevahiya Tirkiyeyê belav bûne. Nêzîkî 2 milyon Sûriyeyê di çaxa karkirinê de ne.
Rapora İSİGê diyar dike ku kargeh ji sedî 99ê Sûriyeyiyan ne bi awayekî fermî li gel xwe didin karkirin. Sala 2016ê tenê ji bo 14 hezar û 745 Sûriyeyiyan destûra karî hatiye dayîn.
Dîsa hatiye diyarkirin ku keda zarok û jinên karken ên penaber-koçber bêhtir tê xwarin û heta zarokên 6 salî jî li kargehan tên xebitandin. (OI/TP/FD)
