“Hin zarokên li Sûriyeyê di hemiya emrê xwe de bi tenê şer dîtiye”

Ji bo nûçeya tirkî  bitikîne

Şerê li Sûriyeyê dê 8 salan temam bike. UNICEFê diyar kiriye ku hin zarokên li Sûriyeyê di hemiya emrê xwe de bi tenê şer dîtiye.

Li gor texmîna UNICEFê piştî şerê li Sûriyeyê dest pê kirî çar milyon zarok hatine dinê. Herweha nîvê zarokên ji Sûriyeyê di hemiya emrê xwe de bi tenê şer dîtiye.

BIXWÎNE: UNICEF: Heta 2030ê çêdibe 69 milyon zarokên ji 5 saliyê biçûktir bimirin

Dîrektorê giştî yê UNICEFê, Henrietta Foreyê diyar kiriye ku divê demildest UNICEF li Sûriyeyê dibistanan veke.

Foreyê diyar kiriye ku êdî zarokên li Sûriyeyê şer û pevçûnan normal dibînin.

“Piştî Gulana 2018ê li rojhilatê Gutayê bi teqîna teqemeniyên li jîngehê mayîn 26 zarok mirine.”

Di her 5 zanîyeyan de zarokek dimire

Di sala 2017ê de, 6.3 milyon zarok mirine. 5,4 milyon zarokên mirîn ji 15 saliyê biçûktir bûne. Li gor raporên Neteweyên Yekbûyî heke midaxele hatibûya kirin piraniya wan zarokan nedimirin.

BIXWÎNE: UNICEF: Di sala 2016ê de li Sûriyeyê ya kêm 652 zarok mirine

 Neteweyên Yekbûyî digel Fona Alîkariya Zarokan(UNICEF), Rêxistina Saxlemiyê ya Dinyayê, Beşa Nifûsê ya Neteweyên Yekbûyî û Banqeya Cîhanê bi hev re rapor amade kiriye.

BIXWÎNE: UNICEF: Heta 2030ê çêdibe 69 milyon zarokên ji 5 saliyê biçûktir bimirin

Rêxistinan diyar kiriye ku heke tedbîr nebin heta 2030ê ji ber nepaqijiya ava vexwarinê û neyîna dermanan çêdibe 56 milyon zarokên ji pênç saliyê biçûktir bimirin.

2017ê

• 5,4 milyon zarok di emrekê ji 5 saliyê biçûktir de mirine.
• 2,5 milyon zarok di meha yekem a salê de mirine.
• Mirina zarokan li gor sala 1990ê ji sedî 50 kêm bûye lê hê jî rêje gelek bilind e

Li gor rapora wekîlê CHPyî(Partiya Komarê ya Gelî) Sezgîn Tanrikuluyî amade kirî, di salên 2011-2017ê de li Tirkiyeyê mafê jiyanê yê 3936 zarokan hatiye binpêkirin

 (EÖ/EKN/MB)