Pisporan sebebên şewata Warê Xwendekaran eşkere kirin
Ji bo nûçeya Tirkî bitikîne
Lijneya Lêkolandina Şewata Warê Xwendekaran duhî kom bû.
Li gor nûçeya Meclîs Haberê pisporan sebebên şewata Warê Xwendekaran eşkere kirine. Pisporê şewitandinê Bekir Metin Demîrî gotiye li warê xwendekaran xebatkarên bêtecrûbe kar kirine û vê yekê we kiriye ji şewatê bûyerên dilşewat derketiye.
“Rê û rêbazên bi salan in li hemî derên dinyayê [ji bo astengkirina derketina agirî] nû di van 5-10 salan de li welatê me ketiye rewacê.
“Bi derketina agirî dumaneka bijehrî derketiye. Zarokan piştî nefesek standîn ji ser hişê xwe çûne.
“Agirî di 10 deqîqeyan de girtiye hemî derên avahiyê, sebeba wê jî ew e ku maddeyên zû dişewitin hatine bi kar anîn.
(YY/MB)
Çavkanî: Cumhurîyet, Meclîs Haber
Warê xwendekaran şewitî, 11 jê zarok 12 kes mirinLi Edeneyê warê xwendekarên keç ê bi navê Özel Aladağ Tahsil Çağındaki Talebelere Yardım Derneği Ortaöğretim Kız Öğrenci Yurdu şewitî. 11 zarok û dersdarê/karmendê warê xwendekaran(yûrt) mirin. Serê sibeyê çêkirina nûçeyên li ser bûyerê hat qedexekirin. Di siet 19.30ê agirî girtiye yûrdê. 22 xwendekarên xwe ji pencereyan avêtîn û yên bi dûmanê jehrî girtîn li nexweşxaneyan têne dermankirin. Piştî sê sietan agir hatiye temirandin û tîmên agirkujîyê termê 12 kesan dîtine. Navê zarokên mirîn ev in: Sare Betül Genç, Fatma Canatan, Semanur Aydoğdu, Gamze Bagir, Bahtınur Baş, Nurgül Pertlek, Tuğba Aydoğdu, Sümeyye Yetim, Cennet Karataş, Sevim Köylü, İlknur Maden, Zeliha Avcı. "Ev der yûrda Silîmancîyan(Silîmangiran) e" Yek ji welatiyên ku dîyar kir ew bavê yek ji zarokên di yûrdê de ye û keça xwe nabîne ji DHAyê re dîyar kir: " ew der yûrda Silîmangiran e. Yûrda dewletê hat xerakirin û zarokên me li vê derê hatin bi cih kirin." Ji elektrîkê derketiye Serokê Tîmên Agirkujîyê yên Edeneyê, Fatih Durukanî da zanîn ku sebeba derketina agirî xetên elektrîkê ye ku xetên elektrîkê ji hev girtine û agir derêxistiye. Şaredar: Deriyê jêderketinê yê demên hewarê girtî bû Şaredarê Şaredariya Edeneyê Huseyîn Sozlûyû da zanîn ku îhtimalek mezin, deriyê jêderketinê yê demên hewarê girtî bû. Walî: 34 kes lê diman Waliyê Edeneyê Mahmût Demîrtaşî ji çapemeniyê re dîyar kir: "Bi şewatê 12 welatiyên me mirine. 11 ji wan xwendekar bûn û yek jî dersdar bû. 22 welatiyên me birîndar in. Me hemî term derêxistin. " Parlamentera CHPyê ya Edeneyê Li ser şewatê parlamentera Edeneyê ya Partiya Komarî ya Gelî(CHP) ji BirGûnê re gotiye: " Hin îdia hene ku dîyar dikin da zarok di şevê de dernekevin derî li ser wan hatine girtin. "Li navçeyê terîqeta silîmangiran gelek xurt e. AKPyê jî dibistanên gundan girtine. "Li gundan dibistan nînin, problema servîsan jî heye ji ber wê zarok mecbûr dimînin li yûrdan bimînin. " |