Manîsa bi pileya 5.5ê hejiyaye

AFADê aşkere kiriye ku îro saet di 10.21 deqîqeyan de li navçeya Saruhanliyê erd hejiyaye. Erdhej bi pileya 5.5ê pêk hatiye.

Stenbol

Ji bo nûçeya tirkî / ingilîzî bitikîne

Li Manîsayê bi pileya 5.5ê erdhejek pêk hatiye. Navenda erdhejê navçeya Saruhanliyê ye û saet di 10.21 deqîqeyan de rû daye. Erdhejê bandora xwe li Îzmîr, Bûrsa, Balikesîr, Aydin, Stenbol, Kutahya û li hin bajarên din kiriye.

Serokatiya Rêveberiya Karesatan û Rewşên Lezgîn (AFAD) aşkere kiriye ku erdhej 9,29 kîlometre di bin erdê de çêbûye.

Yaşar Karadenîz, Waliyê Manîsayê aşkere kiriye ku navenda erdhejê Taxa Kumkuyucakê ye û heta niha kes ji ziyana can û malî li wan negeriyaye.

Suleyman Soylû, Wezîrê Karûbarên Navxweyî li ser hesabê xwe yê Twitterê nivîsiye ku heta niha zanyarî derbarê ziyanan de nîne û kontrol li der û dorê tê kirin.

Duh jî li Wanê bi pileya 5,4ê erd hejiya bû. Bandora erdhejê li Colemêrg û Bedlîsê jî bûbû. Li navçeya Payîzavayê gelek xanî û axur rûxiya bûn. (HA/FD)