Ji bo nûçeya tirkî bitikîne
Rêxistina Karî ya Navnetewî (ILO) ya Neteweyên Yekgirtî (NY) aşkere kiriye ku ji ber guherîna kişwerê wê 80 milyon kes bêkar bimînin. Hatiye diyarkirin ku guherîna kişwerê wê newekheviya ekonomîk a heyî zêdetir û xurtir bike.
Tê texmînkirin ku guherîna kişwerê heta 2030î bandoreke neyênî li ser berhemdariya ekonomiya cîhanê bike. Li gorî raporê li cîhanê di nava 10 salan de, saetên karî li ser hev wê di rêjeya 2,2yan kêmtir bibe û herî zêde wê bandorê li ser karê çandinî û avahîsaziyê bike.
Raporê destnîşan kiriye ku di nava vê demê de çav li rê ye dahata kurewî 2 trilyon û 400 milyor dolar kêmtir bibe. Ev jî li gorî rêjeyê ji sedî 1,4e.
Ekîba ku rapor amade kiriye diyar kiriye ku ew texmîn dikin germbûna kurewî heta dawiya sedsala 21yem wê tenê derece û nîvê zêdetir bibe û nirxandinên xwe li gorî vê kirine.
Herî zêde bandorê wê li jinên ducanî bike
Di raporê de hatiye diyarkirin ku welatên li Asyaya Başûr û Afrîkaya Rojava di bin bandora guherîna kişwerê de bimînin.
Her weha hatiye diyarkirin ku li van welatan di navbera 43 û 90 milyon însan bêkar bimînin.
Rêjeya jinên bêkar di nava vê hejmarê de wê zêder bi. Sedema vê jî ew e ku jin herî zêde di karê çandiniyê û yên bi wê ve girêdayî de kar dikin. Mêr herî zêde di karên avahîsaziyê de dixebitin. Dîsa wê herî zêde jinên ducanî di bin bandora guherîna kişwerî de bimînin. (EMK/FD)
