Mûstafa Koçakê di rojiya mirinê de ye bûye 29 kîlo

Ji bo nûçeya tirkî / ingilîzî bitikîne

“Birayê min dê ji vir derkeve, dibe ku hez ji keçekê bike û dibe ku bizewice…Hê ciwane, min ew bi kefen hîç xeyal nekirîye. Ez naxwazim ew bi tabûtê ji vir derkeve, ez naxwazim birayê min bimire.”

Piştî li Girtîgeha Bûcayê Covîd-19 li girtiyekê hatiye tespîtkirin malbata Mustafa Koçakî diyarkiriye, xem û metirsiyên me zêdetir bûne. Mûstafa Koçak di Girtîgeha Şakrana Îzmîrê de tê girtin.

Mîne Koçak, xuşka Mustafa Koçak ji bîanetê re axivî û got, birayê min hê ciwanê, ez nexwazim ew bimire.

Mûstafa Koçak 28 salîye, 293 roje di rojîya mirinê de ye û bûye 29 kîlo.

"Ew bi xwe jî dibêje dema min pir nemaye"

Mîne Koçak û malbata xwe sekna xwe ya li pêş Girtîgeha Şakranê didomînin. Koçakê got, "Ez herî dawî duh bi birayê xwe re bi telafonê axivîm" û weha pê de çû:

“Birayê min got, piştî midaxaleya 40 roj berê ez nikarim birêve biçim, di laşe min de şewat heye, laqê min werimîne û bin lingê min av girtiye. Didanê birayê min dikeve, gelek lawaz bûye û bûye 29 kîlo. Canê wî diêşe û ji ber êşê nikare rakeve.”

Nikare pêdivîyên xwe bi tenê pêkbîne

Prof. Dr. Şebnem Korûr Fîncanci, Pispora Tipa Edlî û Seroka Weqfa Mafên Mirovan a Tirkiyeyê (TIHV) derbarê rewşa Koçakî de raporeke tibbî amade kiribû.

Li gor raporê birînên di laşê Koçakî de hene di çarçoveya îşkence yê de tê nirxandin û mayîna wî li girtîgehê jiyana wî dixe metirsiyê. Her weha di raporê de hatiye gotin, bejna Koçakî 165 santîmetre ye û bûye 30 kîlo.

Parêzerên Koçakî ji bo serbestberdana Koçakî bi rapora “nabe di girtîgehê de bimîne” serî li Dadgeha Bingehîn û dozgeriyê dabûn. (AS/AY/FD)