Ji ber Covîd-19ê Festîvala Cazê ya Enqereyê wê online pêk were

Ji ber koronavirusê ango Covid-19ê 24em Festîvala Cazê ya Enqereyê ya Navneteweyî dê online pêk were û 31em Festîvala Fîlman a Navneteweyî ya Enqereyê jî hatîye taloqkirin.

Stenbol

Ji ber Covîd-19ê Festîvala Cazê ya Enqereyê wê online pêk were

Kaynak: AA

Ji bo nûçeya tirkî bitikîne

Ji ber şewba vîrusa Covîd-19yê 24em Festîvala Cazê ya Enqereyê ya Navneteweyî dê online pêkbînin.

Her weha 31em Festîvala Fîlman a Navneteweyî ya Enqereyê jî ji bo dîrokekê pêş hatîye taloqkirin. Divîyabû festîvala fîlman di navbera 4-14yê Hezîranê de pêkbihata.

Komeleya Cazê daxuyanî daye û eşkere kirîye ku xebatên festîvala diviya di navbera 30ê Nîsan û 10ê Gulanê pêk bihata temam bûye. Festîval 18 bernameyan li xwe digire. Herweha konser wê di malperê de bi awayê zindî bê weşandin.

Tugçe Alpaslan, Dîrektorê Festîvalê dîyar kirîye û gotîye: "Di demeke kurt de bernameyan me wê di malperên me yên weke ankaracazfestivali.com û cazdernegi.org da belav bibin.

Festîvala Fîlman hatîye taloqkirin

Ji ber vîrusa Covîd-19yê, 31em Festîvala Fîlman a Navneteweyî ya Enqereyê ji bo dîrokekê pêş hatîye taloqkirin.

Festîvala Fîlman a Navneteweyî ya Enqereyê daxuyanîyekê nivîskî daye û destnîşan kiriye, dema serlêdanan di 25ê Adarê da temam bûye û 1278 fîlman serî li festîvalê dane. Herweha di daxuyanîyê da hatîye gotin, ku jûrî nirxandinên xwe di domînin û dê encam jî di demên pêş de bên eşkere kirin. (AO/AY/FD)

covid-19 Vîrusa Koronaya Nû virusa koronaya nû covîd-19 koronavirüs vîrûsa koronaya nû kovid-19 kovîd-19 koronavirus Festîvala Cazê ya Enqereyê ya Navnetewî Festîvala Filman a Navnetewî ya Enqereyê