Ji bo nûçeya Tirkî bitikîne
Parlamenterê Partiya Demokratîk a Gelan (HDP) yê Dîlokê Mahmût Togrûl binpêkirina mafan ên ku girtiyên li Girtîgeha Tîpa L ya Dîlokê rast tên bir rojeva Parlamentoyê.
Togrûl li pirsiyarnameya xwe de got ku pirsgirêka girtiyan a bidestxistina xwarin û avê heye û girtî rastî tecrîtê tên.
Di pirsiyarnameya ku ji bo Wezîrê Dadê Bekîr Bozdag bibersivîne hatiye pêşkêşkirin de hatiye diyar kirin ku girtî nikarin hewcedariyên esasî bidest bixin.
“Qada civakî, sohbet û spor qedexe ye”
Mahmût Togrûl di pirsiyarnameyê de cî daye van agahiyan:
“Li gorî zanyariyên ku parêzerên girtiyên di Girtîgeha Tîpa L ya Dîlokê de dane; girtiyan qet dernaxin qadên hevbeş, mafê wan ên sohbetê û kirina sporê tên qedexekirin.
“Armanca van pêkanînan ne tenê astengkirina têkiliyên civakî yên girtiyan e, her wiha dixwazin xûy a têgihiştin û pejn a girtiyan rakin û bi vê taybetmendiya karkirina zihnî ya wan xira bikin.
“Di serê pirsgirêkên herî girîng de pirsgirêka av û xwarinê heye.
“Ji bo girtiyên zehmetiyê dikişînin ku ava vexwarinê peyda bikin, rojê tenê nîv saet av tê dayîn ku ew jî ne ava vexwarinê ye.
“Ji bo paqijî û serşuştinê têra girtiyan av nayê dayîn.”
Togrûl di pirsyarnameya xwe de ji Wezîrê Dadê pirsiye ku ti lêpirsîn hatiye vekirin an na û ti tedbîr hatine standin an na. (AS/FD)
