Hevşaredarên HDPyî li Amedê hatine desteserkirin
Ji bo nûçeya tirkî / ingilîzî bitikîne
Vê sibê saet li derdora 06.00ê polîsan li Amedê bi ser mala Adnan Selçûk Mizrakli, Hevşaredarê Bajarê Mezin ê Amedê hatiye desteserkirin.
Wezareta Wezareta Karûbarên Navxweyî Mizrakli ji wezîfeyê dûr xistibû û qeyûm li şûna wî hatibû tayînkirin.
Parêzer Mehmet Emîn Aktarî li ser hesabê xwe yê Twitterê gotiye ku sedema lêgerîn û desteserkirinê ya polîsan di kaxizê de tenê bi gotinên “lêpirsîneke ku hatiye vekirin” hatiye nivîsandin.
Di heman demê de Kezîban Yilmaz, Hevşaredara Kayapinarê, Orhan Ayaz, Hevşaderarê Bismilê û Rojda Nazlier, Hevşaredara Karazê jî hatiye desteserkirin.
Di heman demê de polîsan bi ser şaredariya Karaz, Bismil û Kayapinarê de girtine û li vir lêgerînê dikin.
Çi bûbû?
Wezareta Karûbarên Hundir 20ê Tebaxê bi sedema ku lêpirsînname ji bo wan hatine amadekirin, Şaredarê Bajarê Mezin ê Amed, Mêrdîn û Wanê ji wezîfeyê dûr xistiye.
Wezaretê di daxuyaniya xwe de gotiye ku Şaredarê Bajarê Mezin ê Amedê Selçuk Mizrakli, Şaredarê Bajarê Mezin ê Mêrdînê Ahmet Turk û Şaredara Bajarê Mezin a Wanê Bedîa Ozgökçe Ertan ji wezîfeyê hatiye dûrxistin.
Bixwîne - Wezareta Navxweyî: Li 29 bajaran 418 kes hatine desteserkirin
Li şûna Mizrakliyî Waliyê Amedê Hasan Basri Guzeloglu, li şûna Turkî Waliyê Mêrdînê Mûstafa Yaman û li şûna Ertanê jî Waliyê Wanê Mehmet Emin Bilmez weke kayum hatine tayînkirin.
Bixwîne - "Îradeya demokratîk hatiye kuştin"
Li gorî nûçeya Ajansa Anadolûyê, ji ber ku 9 lêpirsînname ji bo Mizrakliyî, 6 lêpirsînname ji bo Turkî u 7 lêpirsînname jî ji bo Ertanê hatine amadekirin û li dadgehên cezayê giran dadkirin berdewam dikin, ji wezîfeyê hatine standin.
22yê Tebaxê Walîtîya Êlihê mixtarên sê taxên bajarî û mixtarekê gundekê ji karê wan dûrxistiye û li şûna wan qeyûm wezîfdar kirine.
Walîtîyê biryara li ser mixtaran li malpera xwe weşandiye. Li gor daxuyanîya li ser malperê (bi zimanê tirkî) mixtarên taxên Çay, Korik û Bağlarê û mixtarê gundê “Kösetarla”yê ji karê wan hatiye dûrxistin. (TP/FD)