HDPyê giliyê Wezîr Soylûyî kiriye

Parlamenterên HDPyê ji ber tundkarî di dema çalakiya Dayikên/Mirovên Şemiyê ya hefteya 700î de bi kar anîne giliyê polîsan û ji ber ferman daye polîsan jî giliyê Wezîr Soylûyî kirine. HDPiyan xwestiye ku polîs û Soylû ji ber sûcê “birîndarkirina bizanebûn” werin cezakirin.

Stenbol

Ji bo nûçeya tirkî / İngilîzî bitikîne

Parlamenterên Partiya Demokratîk a Gelan (HDP) giliyê Suleyman Soylû Wezîrê Navxweyî û wan polîsan kirine ku êrîş birine ser Dayikên/Mirovên Şemiyê.

Parlamenteran duh daxwaznameyên radestî Serdozgeriya Komarî ya Stenbolê kirine û daxwaz kirine ku Soylû û polîs li gor xala 86ê ya Yasaya Cezayan a Tirkan ji ber sûcê “birîndarkirina bizanebûn” werin cezakirin.

Polîsan roja şemiyê mudaxele li Dayikên/Mirovên Şemiyê û kesên ji bo piştgiriyê hatibûn wir kiribûn ku wê çalakiya hefteya 700î çêbikirana. Di nava piştevanan de parlamenter û mafparêz jî heb^n. 34 kes hatibûn desteserkirin û ev kes di saetên êvarê de serbest bûbûn.

Gef li parlamenteran hatibû xwarin û tundkarî li wan hatibû kirin

Pervîn Bûldan û Sezaî Temellî Hevserokên Giştî yên HDPyê, parlamenterên HDPyê Ayhan Bîlgen, Garo Paylan, Sarûhan Olûç, Huda Kaya, Serpîl Kemalbay, Ahmet Şik û Erkan Başî daxwazname pêşkêş kirine.

Di daxwaznameyê de hatiye gotin ku daxuyaniya çapemeniyê bi fermana Suleyman Soylû, Wezîrê Navxweyî ve hatiye qedeşekirin ku 699 hefteyan bi awayekî aştiyane û bêyî gefê li aştiya civakê bixwe dihate çêkirin. (AS/FD)

Cihê Nûçeyê

Navenda Nûçeyan a BIAyê

Süleyman Soylu Dayikên şemîyê mirovên şemîyê Parlamenterên HDPyê Suleyman Soylu Dayîkên Şemiyê Dayikên Şemiyê Sûleyman Soylû Suleyman Soylû Mirovên Şemiyê

Hak odaklı, çok sesli, bağımsız gazeteciliği güçlendirmek için bianet desteğinizi bekliyor.

Google ile Katkıda Bulunun

HAK ODAKLI, ÇOK SESLİ,
BAĞIMSIZ GAZETECİLİĞİ GÜÇLENDİRELİM!

bianet'e destek olmak için tıklayın