Ji bo nûçeya tirkî / Ingilîzî bitikîne
Lijneya Bilind a Hilbijartinê (YSK) hejmara jin û mêr ên hilbijartina parlamenteriyê ya 24ê Hezîranê aşkere kir.
Li gorî van daneyan ji 4 hezar û 851 namzetan ji sedî 20,5 tenê jin in, li hemberî vê rêjeyê ji sedî 79,5 mêr in.
Di nava namzetên HDPyê de rêjeya jinan ji sedî 38 e û bi vê rêjeyê HDP partiya ku herî zêde jin weke namzet nîşan daye. Piştî HDPyê, bi rêjeya ji sedî 26,5 İYİ Parti, bi rêjeya ji sedî 24 Partiya Vatanê, bi rêjeya ji sedî 22,6 CHP, bi rêjeya ji sedî 21 AKP, bi rêjeya ji sedî 12,6 MHP, bi rêjeya 11,6 Partiya Saadetê û bi rêjeya ji sedî 7,5 jî HUDA-PAR tê.
Ji sedî 16ê namzetên serbixwe jin in û rejeya namzetên mêr ên serbixwe ji sedî 84 e.
Sosyolog Nukhet Sîrman ji bianetê re got, “Weke cara pêşiyê gaveke girîng e ku YSK belaviya zayend a namzetên parlamenteriyê weşandiye. Em hêvî dikin ku kategoriyên cidahiyên di civakê de bên çêkirin û van di îstatîstîkên beşên cida de bikin.”
Li gorî lîsteya misoger, tenê ji sedî 4,9ê jinan di rêza yekem de weke namzet hatine diyarkirin.
(ÇT/FD)
