3 welat wê balyozên xwe ji Rûsyayê vekişînin

Ji bo nûçeya Tirkî  bitikîne

Krîza piştî jehrîkirina sîxurê kevin Sergey Skripal û keça wî li herêma Sailsburyê her diçe gûrtir dibe ku Skripal him ji bo MI6 rêxistina istixbaratê ya Îngîltereyê him ji bo rêxistina îstixbarata Rûsyayê kar dikir

Piştî Îngîltereyê 19 welatên Yekîtiya Ewropayê, Ûkrayna, Kanada, Norvêc, Arnavûtlûk, Makedonya û Avûstralyayê jî biryar girtibûn ku dîplomatên Rûsî dersînor bikin.

NATOyê jî biryarek derxistibû û akredîtasyona 7 dîplomatên Rûsî yên di bin banê rêxistinê de kar dikir betal kiribû. Heta niha li tevahiya cîhanê zêdetirî 140 dîplomatên Rûsî hatine dersînorkirin.

Wê balyozên xwe vekişînin

Wezareta Karên Derve ya Luksembûrgê duh daxuyaniyek belav kiriye û gotiye ku ew di vê mijarê de bi her awayî piştgiriya Îngîltereyê dikin û ji bo gotûbêjan wan bang li balyozê xwe yê li Moskowayê kiriye. Lê Luksembûrg wê dîplomatên Rûsî dersînor neke.

Maltayê jî bi heman awayî ji bo gotûbêjkirinê bang li balyozê xwe yê li Rûsyayê kiriye û diyar kiriye ku ji bo vê gavê ew biryara dersînorkirina dîplomatan nastînin. Miroslav Lajcak Wezîrê Karên Derve yê Slovakyayê gotiye ku “Di 25 salên dawiyê de wan qet bang li balyozê xwe yê li Moskowayê nekiriye”. Slovakya jî dîplomatên Rûsî dersînor nake.

Îngîltere lêkolîna Rûsên dewlemend dike

Piştî krîza sîxurî Îngiltereyê 23 dîplomatên Rûsî dersînor kiribû û aşkere kir ku wê niha jî li ser wan Rûsan lêkolînê bikin ku mal û milkên xwe yên ji bo li Îngîltereyê karibin bimînin çawa bi dest xistine.

Skripal sala 2006ê hatibû pevguhertin

Dadgeha li Rûsyayê sala 2006ê bi tohmeta ku sîxurtiyê ji bo Îngiltereyê dike, 13 sal cezayê girtîgehê dabû Sergey Skripalî.

Skrîpal di nava wan 4 sîxuran de bû ku li Viyana payteşta Avûsturyayê bi 10 sîxurên Rûsî re hatibûn pevguhertin. 10 sîxur sala 2010ê li DYAyê hatibûn girtin. (PT/FD)