DYAyê derbarê mijara jehrîkirina sîxurê berê yê Rûsî de, ji bo piştgiriya bi Îngiltereyê re biryara dersînorkirina 60 dîplomatên ji Rûsyayê standi. Almanya di nav de 15 welatên din jî biryara dersînorkirina dîplomatên rûsî dane.
Ji bo nûçeya Tirkî bitikîne
DYAyê biryar girtiye ku 60 dîplomatên Rûsî dersînor bikin û Konsolxaneya li Seattle bigire.
Donald Tusk Serokê Konseya Ewropayê diyar kir ku 14 welatên Yekîtiya Ewropayê (YE) wê dîplomatên Rûsî dersînor bikin.
Li gorî jansa Assosiated Pressê welatên ku wê dîplomatên Rûsî dersînor bikin ev in: Almanya 4, Ûkrayna, 13, Çekya 3, Polonya, 4, Letonya 1, Kanada 4, Îtalya 2.
Li hemberî vê biryarê Rûsyayê jî aşkere kir ku ew ê herî kêm 60 dîplomatên Amerîkî dersînor bikin.
“Ev êrîş êrîşa li ser serdestiya Îngiltereyê ye”
Sergey Skripal sîxurê berê yê him ji bo Rûsyayê him ji bo Îngiltereyê kar dikir û keça wî Yûlya 4ê Adarê li herêma Salisburryyê yê li Londonê, li ser bankekê bêhiş hatibûn dîtin. Îngiltereyê aşkere kiribû ku Skripal û keça wî bi gaza Noviçok a Rûsî ve hatine jehrîkirin.
Donald Trûmp Serokê DYAyê, Theresa May Serokwezîra Îngiltereyê, Angela Merkel Serokwezîra Almanyayê û Emmanûel Macron Serokomarê Fransayê daxuyaniyek hevbeş belav kiribûn û gotibûn ku, “Li Ewropayê ji 2yem Şerê Cîhanê û vir ve cara pêşiyê ye ku gaz hatiye bi kar anîn. Ev, êrîşa li ser serdestiya Îngiltereyê ye. Ji bilî berpirsiyariya Rûsyayê ya ji êrîşê ti tiştekî din ê bi mantiq nîne.” (TP/FD)
DYA û 15 welatên din wê dîplomatên Rûsî dersînor bikin
Stenbol - Navenda Nûçeyan a BIAyê
26 Adar 2018, Duşem 16:39
Nivîsên Pirxwendî Yên Îro
-
Yekem nivîsa yekem rojnameya kurdî 23 Nîsan 2018 -
Tûra duyem ya dengdanê dê di 8ê Tîrmehê de be 23 Nîsan 2018 -
-
-
Ferhenga Şer û Amrazên Şer ji Kovara Ronahîyê - 2 19 Nîsan 2018
