Meşa Edaletê 15 roj in ku didome

Serokê Partiya Komarê ya Gelî(CHP) Kemal Kiliçdaroglû 15 roj in ku ji Enqereyê dest bi meşa ber bi Stenbolê ve kiriye.

Stenbol

Ji bo nûçeya Tirkî / Ingilîzî bitikîne

Serokê Partiya Komarê ya Gelî(CHP) Kemal Kiliçdaroglû 15 roj in ku ji Enqereyê dest bi meşa ber bi Stenbolê ve kiriye.

Piştî ko duhî li ber kampa beşdarên Meşa Edaletê zibil hat rijandin. Îro jî hin kesan fîşek danîne ser rêya beşdarên meşê.

Beşdarên meşê şeva dî li Dûzceyê mabûn. Armanca beşdaran ew e ko dê 20 kîlometreyan bimeşin.

Parêzerên Baroya Izmîrê jî îro beşdarî meşê bûn.

Çi bûbû?

Di 14ê Hezîranê de Dadgeha Stenbolê biryara girtina parlamentê Partiya Komarê ya Gelî(CHP) Enîs Berberoglûyî da.

Berberoglû ji ber nivîsîna nûçeya li ser TIRên MIT(Rêxistina Îstixbarata Neteweyî) hatibû sûcdarkirin. Dema MITê tejî TIRekê çekên giran ji bo Sûriyeyê dibir rêya TIRê hatibû girtin û rojnameya Cumhuriyetê li ser bûyerê nûçeyek çêkiribû.

Serokê Partiya Komarî ya Gelî(CHP) Kemal Kiliçdaroglû û desteya digel wî di 15ê Hezîranê de ji Parka Gûvenê ya Enqereyê ber bi Stenbolê ve dest bi meşê kir. Meşa wî dê 23 rojan dom bike û armanca wî ew e ku heta Girtîgeha Maltepeyê bimeşe. Kiliçdaroglûyî meşa xwe wek "Meşa Edaletê" bi nav kir.

Parlamentê Partiya Komarî ya Gelî(CHP) Enîs Berberoglû di Girtîgeha Maltepeyê de dimîne.(AS/MB)