NÛÇE

Dîroka Weşanê: 12 Kanûn 2016 16:12

~ Nûkirina Dawî: 12 Kanûn 2016 17:23

3 xulek Xwendin

Wezîrê Tenduristiyê daxuyand ku hejmara kuştiyan derketiye 44an

Wezîrê Tenduristiyê Recep Akdag got ku hejmara kesên ku di encama her du êrişên bombeyî yên roja şemiyê li Stenbol Beşiktaşê hatibû kirin, de canê xwe ji dest dabûn derketiye 44an.

Stenbol

Wezîrê Tenduristiyê daxuyand ku hejmara kuştiyan derketiye 44an

Ji bo nûçeya Tirkî / Îngîlîzî bitkîne

Hejmara kesên ku di encama her du êrişên bombeyî yên roja şemiyê li Stenbol Beşiktaşê hatibû kirin, de canê xwe ji dest dabûn derketiye 44an.

Recep Akdag got “36 polîs, 8 jî sivîl bi temamî 44 ‘şehîdên’ me hene.”

Akdag: “Bêjin ‘ez PKKê lenet dikim’”

Parlamentera Stenbolê ya HDPê Fîlîz Kerestecîoglu behsa êrişên bombeyî ku li Stenbolê pêk hatibû kir û got ku dewlet divê tevdîran zêde bike.

Li ser vê Wezîrê Tenduristiyê Recep Akdag got ku jê 36 polîs, 8 sivîl bi giştî 44 kes mirin û wiha axivî: “Çend gotinên min ji Birêz Kerestecîoglu re heye. Ji kerema xwe di bin vê banê de em dilsoz bin û hevdu nexapînin. Teklîfeke min a hêsan ji we re heye. Musebbîbê van êrîşên xayîn a ku dilê me hemûyan êşand diyar e. Rêxistina terorê PKK ye. Li ser kursiya Meclisê hûn dikarin vê hevokê bibêjin? Ez rêxistina terorê ya nemerd PKKê û yên ku piştgiriyê didin wê şermezar dikim". Vê hevokê dubare bikin. Ji nav we yek bila vê hevokê dubare bike, lê we carekê jî nekir.”

Kerestecîoglu: Ez bi tundî şermezar dikim

"Hûn şermezar dikin an şermezar nakin" ve welêt bi rê ve dibin. Ev bûyer bi rastî jî heke TAKa ku dibêje wî ev bûyer kiriye ve hatibe kirin ez bi nefretê û bi tundî vê şermezar dikim."

TAKê girtibû serxwe

Teyrebazên Azadiya Kurdistanê (TAK) derbarê her du êrişên ku li Stenbolê hatibû kirin de bi daxuyaniyek eşkere kiribû ku êriş ji hêla hêzên wan ve hatine kirin.

Çalakiyên ku heta niha TAKê kirine

Di 17ê Tîrmeha 2005an de li dijî midibûsa tûrîstan û hefteke şûn de jî li Îzmîr Çeşmeyê êrişên bombeyê pêk anîn û di encamê de polêsek û 5 tûrîst hatin kuştin, 34 kes jî birîndar bûn.

23ê Gulana 2007an de li Enqere Ulusê teqîna pêk hat de 7 kes hatin kuştin, 102 kse jî birîndar bûn.

10ê Hezîrana 2007an de li Stenbol Bakirkoyê teqîn pêk hat û di encamê de 31 kes birîndar bûn.

8ê Hezîrana 2007an de li Stenbol Kuçukçekmeceyê teqîna pêk hat de 15 polês birîndar bûn.

22ê Hezîrana 2010an de li Stenbol Halkaliyê li dijî servîsa leşkerî bi bombeyan êriş pêk hat.

31ê Cotmeha 2010an li Stenbol Taksimê teqîn çêbû û di encamê de 32 kes birîndar bûn.

26ê Tebaxa 2011an de li Antalya Konyaaltiyê, di 28ê Tebaxê de jî li Antalya Kemerê êrişên bi bombeyan pêk hatibûn û di encamê de 6 kesan bîrîndar bûbûn.

20ê Cotmeha 2011an de li Enqereyê êrişa bî bombeyan de 34 kes birîndar bûbûn.

Teqîna ku di 23ê Kanûna 2015an de li Balafirgeha Sabiha Gokçenê pêk hat jî, TAKê girt ser xwe.

17 Sibata 2016an de li Enqereyê li dijî servîsa leşkeran bi bombeyan êriş hat kirin û di encamê de 28 kesan canên xwe ji dest dan.

Êrişa 13ê Adara 2016an a li Enqere Guvenparkê ku di encamê de 37 kes hatibûn kuştin,

Êrişa 7ê Hezîrana 2016an ya li Stenbol Veznecilerê ku di encamê de 6 jê polîs 11 kes hatib3un kuştin,

Êrişa 28ê Nîsana 2016an ya li Bursayê ku di encamê de çalakvan miribû û 20 kes birîndar bûbûn,

Êrişa 6ê Cotmeha 2016an ku li Stenbol Yenibosnayê ku di encamê de 10 kes birîndar bûbûn,

Êrişa 4ê Mijdara 2016an ku li Amed Rêzanê li dijî avahiya Mudiriyeta Emniyetê pêk hatib3u û di encamê de 2 jê polîs 11 kes hatibûn kuştin girt ser xwe.

(EKN/YO)

Cihê Nûçeyê

Navenda Nûçeyan a BIAyê

Recep Akdağ Beşiktaş tak êrîş stenbol Recep Akdag êriş

Hak odaklı, çok sesli, bağımsız gazeteciliği güçlendirmek için bianet desteğinizi bekliyor.

Google ile Katkıda Bulunun

HAK ODAKLI, ÇOK SESLİ,
BAĞIMSIZ GAZETECİLİĞİ GÜÇLENDİRELİM!

bianet'e destek olmak için tıklayın

NÛÇE

Dîroka Weşanê: 3 Nîsan 2025 10:38

~ Nûkirina Dawî: 3 Nîsan 2025 10:40

1 xulek Xwendin

Emniyetê têkildarî îdiayên “di binçavan de êrişa zayendî hatiye kirin” daxuyanî da

Rayedarên Emniyetê diyar kirin ku bi van îdiayan saziyên wan hedef tên girtin û got, "Giliyê kesên ku van îftîrayan belav dikin,hat kirin."

Navenda Nûçeyan a BIAyê

TRTürkçesini Oku

Navenda Nûçeyan a BIAyê

TRTürkçesini Oku

Emniyetê têkildarî îdiayên “di binçavan de êrişa zayendî hatiye kirin” daxuyanî da

Rêvebiriya Giştî ya Emniyetê têkildarî îdiayên di binçavan de êrîşa zayendî hatiye kirin yên ku li ser medyaya civakî bûye rojev, daxuyanî da. Di daxuyaniyê de hat destnîşankirin ku îdiayên navborî bêbingeh û îftira ne.

Rayedarên Emniyetê diyar kirin ku bi van îdiayan saziyên wan hedef tên girtin û got, "Giliyê kesên ku van îftîrayan belav dikin,hat kirin."

“Gilî hat kirin”

Di daxuyaniya Rêvebiriya Emniyetê ya li ser medyaya civakî weşiyaye de wiha hat gotin:

"Di hin hesabên medyaya civakî de parvekirinên weke 'Em ê her roj li ser jinên ku di binçavan de rastî êrîşa zayendî tên biaxivin û li dijî vê li ber xwe bidin.' hene. Ev parvekirinên ji rastiyê dûr û bêbingeh, îftirayên hovane ne ku ji bo bêîtibarkirina saziya me ye. Teşkîlata Polîsên Tirk di çarçoveya qanûnan de hemû pêkanînên derbarê kesên hatine binçavkirin de bi baldarî û hesasiyeteke mezin dimeşîne. Derbarê kesên ku bi rêya hesabên medyaya civakî van buxtanan belav dikin jî gilî hat kirin."

(EMK/AY)

Cihê Nûçeyê

Stenbol

êrişa zayendî Polîs

NÛÇE

Dîroka Weşanê: 2 Nîsan 2025 16:17

~ Nûkirina Dawî: 2 Nîsan 2025 17:14

4 xulek Xwendin

Li Amedê Egîtîm Sen wê 'Komxebata Perwerdeya bi Zimanê Zikmakî' li dar bixe

Şaxên Egîtîm-Senê yên Amedê wê di 12-13ê Nîsanê de komxebatek bi navê “Di perwerdeya bi zimanê zikmakî de ber bi çareseriyê ve: Derfetên heyî, astengî, pêşniyarî” li dar bixe.

Navenda Nûçeyan a BIAyê

Li Amedê Egîtîm Sen wê 'Komxebata Perwerdeya bi Zimanê Zikmakî' li dar bixe

Şaxên Sendîkaya Kedkarên Perwerde û Zanistê (Egîtîm Sen) yên Amedê di 12-13ê Nîsanê de wê 'Komxebata Perwerdeya bi Zimanê Zikmakî' li dar bixe.

Komxebat bi beşdariya nûnerên saziyan dê li Navenda Kongre û Çandê ya ÇandAmedê were li dar xistin.

Bernameya komxebatê bi daxuyanekê li Şaxa bi Hejmar 1 a Egîtîm Sena Amedê hat aşkerekirin. Kurdiya daxuyaniyê Sekreterê Şaxa bi Hejmar 1 ya Egîtîm Senê Selman Sav ve, ya tirkî jî Sekreterê Şaxa bi Hejmar 2 ya Egîtîm Senê Ozgur Gungor Pekgul xwend.

Komxebata me ku em ê li ser mijara “ Di Perwerdeya Bi Zimanê Zikmakî De; Derfetên heyî, Astengî, Pêşniyazî “ de em ê di 12 û 13’ê Avrêla 2025’an de li ÇandAmedê (Navenda Çand û Kongreyê) li dar bixin û di hemû hisabên xwe yên medyaya civakî de zindî biweşînin.

Anadilinde… pic.twitter.com/TGctt30ISh
— Eğitim Sen Amed (@egitimsen21) April 2, 2025

Daxuyaniya têkildarî komxebatê ya Egîtîm Senê weha ye:

Me biryar da ku em li ser perwerdeya bi zimanê zikmakî komxebatekê li dar bixin. Di vê komxebatê de em dixwazin ji herêmê de nêrîna xwe ya li ser pêvajoya aştiyê û pê re ji bi çavekî cuda li meseleyan binerin û vê nîqaşê bi gelek sazî û kesên cuda re bikin. Em dizanin ku li deverekê ji bo ku aştiyeke mayinde pêk bê divê hemû alî û gelên wê civakê xwe di nav de bi hamû rastiyên xwe bibînin. Ev rastî çand e, dîrok e, ziman e, û her wiha jiyan bi xwe ye.
Aştî ne bi tenê rawestandina çekan e. Di heman demê de ku wekheviya civakê pêk neyê, ev pêvajo tucar û tucar wernagere lihevhatineke mayinde. Ji bo lihevkirina civakê jî xala perwerdeya bi zimanê zikmakî, xaleke herî girîng e. Dema ku newekheviya zimanan di civakê de bidome, di dema pêş de dê ev pirsgirêk dîsa bi neyinî li civakê vegere. Lê dema ku hemû gel bi zimanê xwe perwedeya xwe bibînin, çanda xwe bijîn û bi her alî xwe perçeyekî civakê bibînin ancax wê çaxê pêvajoya derbasbûnê dikare wergere lihevkirineke esasî û hemjiyaneke mayinde.
Ji herêmê de nêrîna me li ser pêvajoya derbasbûnê ev e ku; kesên ku bêderfetiyan dijîn, kesên ku tiştên dixwazin nikarin bijîn bêtir û rasttir dikarin pirsgirêkan vekolin û binirxînin. Li ser vê em dibên lazim e ku hemû astengiyên zagonî yên li hember perwerdeya bi zimanê zikmakî bêne rakirin û di hemû civakê de wekheviya zimanan bê sazkirin. Divê ev bê kirin ku hemû kes û aliyên civakê ji alî derûnî de jî xwe têr bikin û bibin hevparê vê pêvajoyê.
Em dizanin ku di cîhanê de deverên ku pirzimanî, pirçandî û wekhevî lê hene aştî jî lê heye û ew aştî ya civakê ye û mayinde ye.
Komxebata me ku em ê li ser mijara “ Di Perwerdeya Bi Zimanê Zikmakî De; Derfetên heyî, Astengî, Pêşniyazî “ de em ê di 12 û 13’ yê Avrêla 2025’an de li ÇandAmedê (Navenda Çand û Kongreyê) li dar bixin û di hemû hisabên xwe yên medyaya civakî de zindî biweşînin.

Bernameya komxebatê

Rûniştina Yekem

Qeyd: 09:00-10:00

Axaftina Vekirinê: 10:00- 10:15

Di Hiqûqa Tirkiyeyê de Pirsgirêka Perwerdeya Bi Zimanê Zikmakî: Prz. Muslum DALAR / Baroya Amedê

Di Hiqûqa Navneteweyî û Metnên Wê de Palpiştên Perwerdeya Bi Zimanê Zikmakî: Prz. Serhed HEZER/OHD

Di Serdema Nêz a Tirkiyeyê de Nîqaşên di Qada Polîtîk û Zagonî yên li ser Perwerdeya Bi Zimanê Zikmakî de: Prz. Cemîle TURHALLI

Moderator: Salîha ZORLU

Rûniştina Duyem

Saet: 11:45-13:30

Wekî Azîneyeke Şikandina Zimên, Perwerdeya Bi Yekzimanî: Prof. Dr. Fatma GOK

Asîmîlasyon û Rêbazên Serederîkirina Pê Re: Dr. Dilawer ZERAQ

Li Ser Derûniya Civakî, Bandora Tunebûna Perwerdeya Bi Zimanê Zikmakî: Dr. Azad DILDAR

Moderator: Fatma BUDAK GULER

Rûniştina Sêyem

Saet: 14:30-16:00

Ji Aliyê Wekheviya Zimanan de Bandora Hebûna Mafê Zimên Li Ser Aştiya Civakî:

Cerebeyên Îrlandaya Bakur, Skoçya û Kanadayê: Prof. Dr. Robert Douglas DUNBAR (Zanîngeha Edinburgê)

Cerebeya Herêma Baskê ya Spanyayê: Dr. Paul Bilbao SARRIA

Moderator: Duygu OZBAY

Rûniştina Çarem

Saet: 16:00-17:30

Rewşa Niha Ya Zaravayan (Kurmancî-Dimilî) Li Herêma Me û Polîtikayên Pêşdexistina Wan: Samî TAN û Mamoste Malmisanij

Rewşa Niha ya Zimanên Din (Siryanî) Li Herêma Me û Polîtikayên Pêşdexistina Wan: Serokê Konfederasyona Komeleyên Siryanan Evgîl TURKER

Moderator: Stran JIYAN

Rûniştina Pêncem

Saet: 10:00-11:30

Nêrîneke Rexneyî Li Ser Cerebe û Modelên Cîhanê Yên Li Ser Perwerdeya Bi Zimanê Zikmakî: Zimanzan Haydar DILJEN

Wekî Modeleke Xweser, Modela Perwerdeya Demokratîk: Yildirim ARSLAN

Di Civaka Demokratîk a Li Ser Rista Jina Azad De Perwerde: Fîgen ARAS KAPLAN (Akademiya Jinan)

Moderator: Serwer OZER

Rûniştina Şeşem

Saet: 11:45-16:30

Nirxandina Saziyan û Kursiya Azad

Moderator: Fesîh ZÎREK

Saet: 17:00

Girtin: Parvekirina Pêşraporê

(AY)

Cihê Nûçeyê

Stenbol

Egîtîm Sena Amedê kurdî zimanê dayikê

manşetên îro yên bianetê

TÜMÜ

Lîstikvanê rêzefîlman ji ber boykotê hat desteserkirin

Ji ber lêpirsîna ku Serdozgeriya Komarî ya Stenbolê dabû destpêkirin de ji bo 16 kesan biryara desteserkirinê hat dayîn. Cem Yîgît Uzumoglu jî di nav de 11 kes hatin desteserkirin.

Emniyetê têkildarî îdiayên “di binçavan de êrişa zayendî hatiye kirin” daxuyanî da

Rayedarên Emniyetê diyar kirin ku bi van îdiayan saziyên wan hedef tên girtin û got, "Giliyê kesên ku van îftîrayan belav dikin,hat kirin."

Li Amedê Egîtîm Sen wê 'Komxebata Perwerdeya bi Zimanê Zikmakî' li dar bixe

Komîsyona Ewropayê ji ber girtina Îmamoglû hevdîtina xwe ya bi Fîdan re betal kir

Endama Komîsyona Ewropayê Marta Kos ji ber girtina Îmamoglû hevdîtina xwe ya bi Wezîra Karên Derve Fîdan re betal kir. Her wiha da zanîn ku beşdariya wê ya ji bo Foruma Dîplomasiyê ya Antalyayê jî hatiye betalkirin.

Li Tartûs û Humsê 4 jê zarok 12 sivîl hatin qetilkirin

Êrîşên li Taxa Kerem ez-Zeytûn a Humsê û gundê Harf Binamra ya navçeya Baniyas a Tartûsê di raya giştî de rastî bertekan hatin. SOHRê hêzên ewlekarîyê bi herdu êrîşan tawanbar kir.

Serdozgeriya Komarî ya Stenbolê ji bo kesên banga “boykot” kirine lêpirsîn da destpêkirin

Fikra boykotkirina kirîna tiştan ya 2ê Nîsanê pêl bi pêl belav dibe. Serdozgeriya Komarî ya Stenbolê kesên boykotê pêktînin bi tohmeta ku “kîn, nefret û dijminahî xistiye nava gel” sûcdar dike.

DEM Partiyê Cejna Ekîtoyê pîroz kir

Îro Cejna Ekîtoyê ango sersala nû ya Babilî ye. DEM Partiyê Cejna Ekîtoyê ya gelên Kildan, Asur û Suryanan ku tê wateya mizgîniya hatina biharê, pîroz kir.

Xwedekarên zanîngehê dê sibê çalakiya ‘boykota aboriyê’ li dar bixin

Xwendekarên zanîngehê wê sibê bi banga ‘Em ê di 2ê Nîsanê de tu tiştî nekirin’ çalakiya boykota aboriyê li dar bixin.