İHD: Li Girtîgeha Şakranê 5 jê jin 33 girtî 42 roj in di greva birçîbûnê de ne

Ji bo nûçeya Tirkî / İngilîzî bitikîne

Komisyona Girtîgehan a Şaxê Stenbolê ya Komeleya Mafên Mirovan (İHD) derbarê greva birçîbûnên ku girtiyên ji doza PKKê û PJAKê dane destpêkirin de li avahiya komeleyê civîneke çapemeniyê lidar xist.

Di civînê de nameya girtiya jin a ji Girtigeha Gebzeyê hatiye şandin ku tê de behsa rewşa neyênî ya girtiyên jin tê kirin. Di civîna çapemeniyê de li ser navê komeleyê Mine Nazari axivî û got ku grevên birçîbûnê bi awayeî bê dem û bê dor û bi dem û bi dor berdewam dike.

Bi giştî 64 girtî di grevê de ne

Li gorî daneyên ku İHDê belav kirine heta 28ê Adarê hejmara girtiyên di greva birçîbûnê de ne û rojên ku di grevê de ne wiha ye:

* Girtîgeha Şakranê 5 jê jin 33 girtî, roja 42yemîn,

* Girtîgeha Edirneyê 16 girtî roja 32yemîn,

*Girtîgeha Tîpa H ya Vanê 8 girtî, roja 21emîn

* Girtîgeha Sincanê ya Jinê 7 girtiyên jin, roja 34ê.

Herwiha di her girtîgehê de di navbera 15ê Adarê û 15ê Nîsanê de her 5 girtî ji bo 5 roj an wê bi dor bikevin greva birçîbûnê.

Daxwazên girtiyên ku di greva birçîbûnê de ne wiha ne

Nazarî daxwazên girtiyên ku di greva birçîbûnê de ne wiha anî zamin:

“Bila tecrîda giran a li ser Abdullah Ocalan bê rakirin.”

“Bila wêrankirin û qedexekirina li bajarên kurdan bidawî bibe.”

“Di girtîgehan de helwesta xirab a li ser girtiyiyan bila bê guhertin.”

(TP/AS/FD)