Hûrriyet: Sernivîsa “Serokerkanî aciz e” xeletiyeka edîtoran e

Ji bo nûçeya Tirkî bitikîne

Rojnameya Hurriyetê ji ber nûçeya “Serokerkanî aciz e” daxuyanî da.

Hûrriyetê eşkere kir ku ew sernivîs xeletiyeka edîtoran e.

 “Bêguman qesteka bi vî rengî nîne.

” Ji bilî ku mexsedeka bi vî rengî nîne em dikarin bibêjin xeletiyeka edîtorane hatiye kirin û gotin û mexsed ji hev cida bûne.”

Çi bûbû?

Rojnameya Hûrriyetê bi fermandarekî re hevpeyvînek kiriye û 7 tiştên Serokerkaniya Leşkerî jê aciz in eşkere kiriye.

Hurriyetê ev nûçe bi sernivîsa “serokerkanî aciz e” belav kir.

Li ser vê yekê Cihgirê serokwezîrî û berdevkê hikûmetê Nûman Kûrtûlmûş duhî piştî civîna dîwana wezîran axivî.

Kûrtûlmûş li ser nûçeya Hurriyetê ya “serokerkanî aciz e” got welê dixweyî ku hinek ji hevkariya desthilata siyasî û leşkerî aciz in.

Li gor nûçeyê çavkaniyeka/ê navê xwe nedayî bersiva heft rexneyên li Serokerkaniya Leşkerî hatî kirin daye.

Serokwezîrê Bînalî Yildirim got: “Bi sernivîsan hewil didin eyarên hikûmetê biguherin.”

Wezîrê dadê jî li ser nûçeyê gotibû: “Ti kes û hêz nikarin eyarên Parlemana Tirkiyeyê û gelê tirk biguhere.”

“Tirkiye ne Tirkiyeya berê ye”

Nûman Kûrtûlmûşî gotiye:

“Tirkiye ne Tirkiyeya berê ye. Ji ber vê yekê divê her kesan hay ji gotinên xwe hebin.

“Êdî ne mûmkin e bi sernivîsan eyarên Hêzên Çekdar ên Tirkan, îradeya sîyasî û hikûmetê bê guhertin.” (AS/EA)