Nûçeya bianetê ya astengkirina nûçeyê hatiye astengkirin

Ji bo nûçeya tirkî / ingilîzî bitikîne

2yem Dadweriya Sûc û Cezayan a Anadoluyê ya Stenbolê nûçeya bianetê ya ku digot “Bûrak Erdoganî nûçeya mirina Sevim Tanurekê asteng kiriye” li ser daxwaza Burak Erdoganî asteng kiriye.

2yem Dadweriya Sûc û Cezayan a Anadoluyê ya Stenbolê di heman biryarê de parvekirina parêzer Efkan Bolaçî jî asteng kiriye ku di 20ê Hezîrana 2018ê de li ser hesabê xwe yê Twitterê nivîsiye û gotiye: “Qedexeya weşandina qezaya ku Ahmet Bûrak Erdogan jî di nav de bû hatiye dayin. Gelo dema weşan bê qedexekirin, tê wateya ku ev qeza qet çênebûye? Gelo hiqûq çibû?”

Ahmet Burak Erdoğan’ın karıştığı kazaya yayın yasağı gelmiş! Yayın yasağı gelince bu kaza hiç olmamış mı sayılıyor? Hukuk neydi? pic.twitter.com/fOGc7nv8ha

— Efkan Bolaç (@efkanbolac) June 20, 2018

Bolaçî gotiye ku Twitterê heta niha ev tweeta wî asteng nekiriye û ew ê li dijî vê biryarê derkeve.

Çi bûbû?

Dema hilbijartina Serokomariyê ya 24ê Hezîrana 2018ê Mûharrem Înce, namzetê Serokomariyê yê CHPyê ji Erdoganî re gotibû, “Tu dixwazî were em kuştina Sevim Tanurekî bikolin. Min nede axavtin.” Malperên ku ev gotin kiribûn nûçe, rastî astengiyê hatin. Rojnameya Cûmhûriyetê û malpera Dîkenê ji wan dezgehan bû ku 9em Dadweriya Sûc û Cezayan a Stenbolê biryara qedexeyê ji bo wan dabû. Bianetê jî ev biryara qedexekirina weşanê kiribû nûçe. (HA/FD)