Rojnameger Şahîn û Gayîp nehatin berdan

Ji bo nûçeya tirkî bitikîne

Çarem danişîna doza rojnameger Semîha Şahîn û Pinar Gayîp, edîtorên Ajansa Nûçeyan a Etkînê (ETHA) li 23yem Dadgeha Cezayê Giran a Stenbolê (DCG) ya li Edliyeya Stenbolê berdewam kir.

Dadgehê daxwaza tehliyekirina Şahîn û Gayîpê qebûl nekir û biryar da ku her du rojnameger girtî bimînin. Şahîn û Gayîp, bi îdiaya ku “endamên rêxistinê ne” û “propagandaya rêxistinê kirine” 11 meh in girtî ne. Dadkirin wê 13ê Hezîrana 2019ê saet di 13.30 deqîqeyan de berdewam bike.

Bixwîne - Du rojnamegerên girtî, Şahin û Gayip nehatin berdan

Dozgerî di danişîna seyem de nêrîna xwe dawiyê pêşkêş kiribû û xwestibû ku digel Gayîp û Şahînê, Ferhat Pehlîvan û Gulsen Îmre, endamên Federasyona Komeleyên Ciwanên Şoreşger (SGDF) bên cezakirin.

Çi bûbû?

Polîsan 13ê Nîsana 2018ê li derdora saet 02.00ê girtibûn ser malên Gayip û Şahînê û ew desteser kiribûn. Gayip û Şahîn û Ferhat Pehivan endamê Federasyona Komeleyên Ciwanên Sosyalîst û Gulsen İmreya ku li Taxa Gaziyê hatibû desteserkirin, 19ê Nîsanê derxistibûn pêşberî dozgeriyê.

Bixwîne - Rojnameger, Şahin û Gayip nehatine berdan, 127 rojnameger girtî ne

Dozgerî bêyî îfadeya wan bistîne, bi tohmeta ku “endamên rêxistinê ne” û “propagandaya rêxistinê kirine” û bi daxwaza girtina wan, ew şandin Dadweriya Cezayan a Silhê ya Nobedar.

Dadweriyê ji bo Semîha Şahînê bi îdiaya ku “endama rêxistinê ye û propaganda kiriye”, ji bo Pinar Gayipê bi îdiaya “endamarêxistinê ye”, ji bo endamê endamê SGDFyê Ferhat Pehlîvan û Gulsem Îmreyê jî bi îdiaya “propagandaya rêxistinê kiriye” biryara girtinê derxistibû. (TP/FD)