Ji bo nûçeya Tirkî bitikîne
Dadgehê di wê dozê de biryara xwe aşkere kir ku rojnameger Ayşe Duzkan û Ragip Dûran, nivîskarê rojnameya Ozgur Gundemê Mehmet Alî Çelebî, Huseyîn Bektaş û Hevberpirsê Weşanê yê berê yê Ozgur Gundemê Huseyîn Aykol dihat dadgehkirin. Ozgur Gundem di encama Biryarnameya di Hukmê Qanûnê de (KHK) ya hejmar 675ê de hatibû girtin.
13emîn Dadgeha Cezayên Giran a Stenbolê bi tohmeta ku “propagandeya rêxistinê kirine” di çarçoveya Xala 7/2yê ya Qanûna Têkoşîna li dijî Terorê de ceza li 5 rojnamegeran birî.
Dadgehê du sal cezayê li Huseyîn Aykolî birî bi îdiaya ku “bi rêya çapemeniyê sûc kiriye” û “li dû hev pêk hatiye” zêde kir û derxist 3 sal û 9 mehan. Dîsa cezayê ku daye Huseyîn Bektaş, Mehmet Alî Çelebî, Ayşe Duzkan û Ragip Dûran jî bi îdiaya ku “bi rêya çapemeniyê sûc kiriye” ji salekê derxist sal û 6 mehan.
Dadgehê ceza kêm nekir
Dadgehê bi hinceta “liv û tevgera wan a li dadgehê û li dadgehê poşmanî nîşan nedane” biryar girt ku ji bo rojnamegeran “ceza neyê kêmkirin”. Lê yek ji bersûcan Ragip Dûran beşdarî civînên dadgehê nebûbû. Dadgehê pêkanîna cezayan bi paş de nexist.
Dozger Omer Karakayayî 9ê Gulanê ya 2017yê nêrîna xwe pêşkêş kiribu û daxwaz kiribû ku Huseyîn Aykol ji ber “kesên di nava têkoşîna li dijî terorê dike hedef” bi 3 salan, bi hinceta ku “propagandeya rêxistinê dike” bi 13 salan, rojnameger Ragip Dûran, Mehmet Alî Çelebî, Huseyîn Bektaş û Ayşe Duzkan bi hinceta ku “propagandeya rêxistinê kirine” bi 7 sala were cezakirin.
Heyeta dadgehê ji van navan pêk dihat:
Serok: Fahrettîn Duzalan
Endam: Kadîr Karakoç, Dr. Abdûllah Ok
Dozger: Cem Ustundag
Çi bûbû?
Ji bo rojnameya hatî girtin, Ozgûr Gûndemê ji 3yê Gulanê û heta 7ê Tebaxa 2016ê kampanyaya nobedariya berpirsiyarîya weşana Ozgûr Gûndemê hat pêkanîn. Derbarê 11 lêpirsînan de doz nehat vekirin. Yek jê ji ber ku dema lêpirsînê tijî kir, bêyî ku encamê bistîne bidawî bû.
Kesên ku biryara neşopandinê ji wan re hatiye dayin
İhsan Eliaçık, Melda Onur, Sebahat Tuncel, Ahmet Abakay, Eşber Yağmurdereli, Hasip Kaplan, Işın Eliçin, Kemal Can, Mustafa Sönmez, Melda Onur, Uğur Karadaş.
Rojnamegerên ku doz li wan hatiye vekirin:
A. Kumru Başer, Ahmet Nesin, Ayşe Batumlu, Ayşe Düzkan, Beyza Üstün,Can Dündar, Celal Başlangıç, Celalettin Can, Cengiz Baysoy, Çilem Küçükkkeleş, Derya Okatan, Dicle Anter, Erol Önderoğlu, Ertuğrul Mavioğlu, Faruk Balıkçı, Faruk Eren, Fehim Işık, Hüseyin Tahmaz, Hakkı Boltan, Hasan Cemal, Hasan Hayri Şanlı, İbrahim Bodur, İhsan Çaralan,Julide Kural, Murat Çelikkan, Murat Uyurkulak, Nadire Mater, Necmiye Alpay, Nevin Erdemir, Öncü Akgül, Ragıp Duran, Said Sefa, Şanar Yurdatapan, Şebnem Korur Fincancı, Tuğrul Eryılmaz, Veysi Altay, Yıldırım Türker.
* Lêpirsîna derbarê Deniz Türkali de ji ber ku dema lêpirsînê tijî kir, bêyî ku encamê bistîne bidawî bû.
* Doza berpirsê berê yê Weşanê yê Ozgûr Gûndemê Hüseyin Aykol û yên nivîskarên rojnameyê Mehmet Ali Çelebi û Hüseyin Bektaşî bi dozên Düzkan û Duranî ve kirin yek.
Doz li 4 nivîskaran jî hate vekirin
Ji ber nivîsên wan di demên kampanyeya piştirgiyê ya bi Ozgûr Gûndemê de hatin weşandin derbarê nivîskar Ömer Ağin, Dilşah Kocakaya, Cengiz Baysoy û İlhami Bakır de jî doz hatin vekirin.
Onderoglu, Nesîn û Korûr-Fîncanci 10 rojan girtî man
* Erol Önderoğlu, Ahmet Nesin û Şebnem Korur Fincancı berpirsên weşanê di 20ê Hezîrana 2016yê de hatin girtin. Piştî deh rojan serbest man.
Dadgehkirina her sê nivîskaran jî berdewam dikin û daneşîna dozê wê di 27ê Kanûna Pêşiyê ya 2017yê de berdewam bike.
235 meh û 15 roj cezayê girtinê hat dayin
22 doz bi encam bûn ku dozên Şanar Yurdatapan, İbrahim Bodur, Cengiz Baysoy, İmam Canpolat, Çilem Küçükkeleş, Nadire Mater, Yıldırım Türker, Hasan Cemal, Faruk Balıkçı, Dicle Anter, Derya Okatan, Kumru Başer, Ayşe Batumlu, Jülide Kural, İlham Bakır, Murat Uyurkulak, Murat Çelikkan, Beyza Üstün, Nevin Erdemir, Hakkı Boltan, Hasan Hayri Şanlı û Tuğrul Eryılmazî bû.
3 kesan beraet kir
Ji bo Şanlı, Erdemir û Boltanî biryarên beraetê hat dayin.
Cezayê girtinê yên Çelîkkan û Canpolatî nehatin bipaşxistin
Ji bo 22 kesan bi giştî 68 hezar TL cezayê pare û 187 meh û 15 roj cezayê girtinê hat dayin. Ji bilî cezayên Çelikkan û Canpolatî cezayên din hatin bipaşxistin.
Çelikkan di 14yê Tebaxa 2017yê de hat girtin û ew şandin Girtîgeha Kirklarelî, di 14yê Çiriya Pêşiyê ya 2017yê de ew şandin girtîgeha vekirî û di 21yê Çiriya Pêşiyê ya 2017yê de hat tehliyekirin.
Dosyayên Kizilkayayî
Di her 38 dozên ku di çarçoveya lêpirsînêa Ozgûr Gûndemê de hatine vekirin Midûrê Karên Nivîsê yê Berpirsiyar gumanbar e. Dosyayên Kizilkayayî ji dosyayên din ên berpirsên weşanê hat cudakirin û bi doza esasî ya Ozgûr Gûndemê kirin yek ku li 23yemîn Dadgeha Cezayê Giran a Stenbolê tê dîtin.
Doza esasî ya Ozgûr Gûndemê
Di doza esasî de Endamên Lijneya Şêwirmendiyê ên Weşanê yên Ozgûr Gûndemê Necmiye Alpay, Aslı Erdoğan, Ragıp Zarakolu, Filiz Koçali, Eren Keskin û midûrên karên nivîsê Zana Kaya, İnan Kızılkaya, Kemal Sancılı û Bilge Oykut tên dadgehkirin. Kızılkaya û Sancılı hîna jî girtî ne. (BK/FD)
.jpg)
