Ji bo nûçeya Tirkî / İngilîzî bitikîne
David Kaye Raportorê Taybet ê Azadiya Fikr û Xweifadekirinê yê NYyê, Nîls Muiznieks Komîserê Mafên Mirovan ê Konseya Ewropayê û PEN International, Rêxistina Parastina Rojnamegeran (CPJ) û Rêxistina Çavdêriya Mafên Mirovan (HRW) jî di nav de 12 rêxistinên navdewletî daxwaz kiribûn ku weke aliyê sêyem beşdarî dozên li Dadgeha Mafên Mirovan a Ewropayê (DMME) yên derbarê rojnamegerên li Tirkiyeyê girtî bibin. Ev daxwaza wan hat qebûlkirin.
Daxwaza midaxiliyê ji bo dozên Ahmet Altan, Mehmet Altan, Atilla Taş, Ahmet Şık, Şahin Alpay, Murat Sabuncu, Akın Atalay, Kadri Gürsel, Bülent Utku (Rojnamegerên di doza Cumhuriyetê girtî ne) Murat Aksoy, Nazlı Ilıcak, Ali Bulaç û Deniz Yücelî hatibûn kirin û hatin qebûlkirin.
12 rêxistinan serî lê dabûn
Koma ku ji 12 rêxistinên mafan ên navdewletî hatibû avakirin ji bo her rojnamegerek girtî cuda cuda serî lê dabûn. Rêxistinên ku di nava komê de cî digirin ev in:
Article 19, the Association of European Journalists (Yekîtiya Rojnamegerên Ewropayê), Committee to Protect Journalists (Rêxistina Parastinê ya Rojnamegeran, CPJ), European Centre for Press and Media Freedom (Navenda Azadîya Medya û Çapemeniyê ya Ewropayê), the European Federation of Journalists (Federasyona Rojnamegerên Ewropayê), Human Rights Watch (Rêxistina Çavderiya Mafên Mirovan), Index on Censorship (Îndeksa Sansurê), the International Federation of Journalists (Federasyona Rojnamegerên Navdewletî), the International Press Institute (Enstîtuya Çapemeniyê ya Navdewletî), PEN International û Reporters Without Borders (Rojnamegerên Sînornenas). (ÇT/FD)
