Li Dêrsimê heta 15 rojan çalakî û xwepêşandan hatine qedexekirin

Fotograf: AA (Arşîv)

Ji bo nûçeya tirkî / ingilîzî bitikîne

Li tevahîya bajarê Dêrsimê bi hinceta vîrusa Covîd-19ê hemû çalakî û xwenîşandan heta 15 rojan hatiye qedexekirin.

Li gorî daxuyanîya ku di malpera fermî ya Walîtiya Dêrsimê de hatiye weşandin, biryara qedexeyê di saet 00.01ê 29ê Îlonê de despêkiriye û heta saet 23.59ê 13ê Çiriya Pêşiyê wê bidome.

Xwepêşandan û çalakiyên ku hatine qedexekirin weha ne:

Xwenîşandan, civînên ji derve, daxuyaniyên çapemeniyê, çalakiyên rûniştinê, vekirina standan, çalakiyên protestoyî, gireva birçîbûnê, kampanyaya îmzeyan, konser, şahî, belavkirina belavokan, vekirina posteran û konferans jî tê de her cure çalakî hatiye qedexekirin.

Bernameyên fermî ji derveyê biryara qedexeyê ne

Bernameyên ku dezgehên walîtiyê û qaymaqamî erê dikin û yên sazî û dezgehên dewletê li dar dixin ji derveyê biryara qedexeyê ne.(TP/AY/FD)