Polisan îro serê sibehê saet di 05.00'an de li Amedê girtiye ser mala Sînan Çiftyurek, Serokê Giştî yê Partiya Komunîstan a Kurdistanê (KKP) û ew desteser kiriye. Polisên ku piştî lêgerîna li malê bi dawî kirin, Çîftyurek bi xwe re birine Miduriyeta Polisan a Amedê.
Li gorî nûçeya Ajansa Mezopotamyayê (MA) Çîftyurek ji ber parvekirinên xwe yên li ser medya civakî hatiye desteserkirin.
Partiya Komunîstan a Kurdistanê têkildarî desteserkirina Çîftyurekî, li ser hesabê xwe yê Twîtterê daxuyaniyek daye û wiha gotiye: "Serokê me yê giştî Sînan Çîftyurek îro serê sibehê saet derdora 05.00'an hatiye desteserkirin. Serokê me yê giştî divê demildest bê berdan." (FD)
